Mazkur seminarlar doirasida ilk bor ushbu shaharlarda Malayziyaning biznes tadbirlari industriyasi imkoniyatlari keng namoyish etildi.
Seminarlarda Qozog‘iston va O‘zbekistondan turizm sohasi vakillari, korporativ sektor mutaxassislari, tadbir tashkilotchilari hamda uchrashuvlar, rag‘batlantiruvchi sayohatlar, konferensiyalar va ko‘rgazmalar (MICE) industriyasi vakillari ishtirok etdi. Tadbirlar Malayziyani biznes uchrashuvlari, xalqaro konferensiyalar, ko‘rgazmalar va incentive-turizm dasturlarini o‘tkazish uchun dunyoning yetakchi yo‘nalishlaridan biri sifatida tanishtirish maydoniga aylandi.
Tadbirlarning ochilishida Tourism Malaysia’ning Olmaotadagi direktori Nor Shazli Azmi hamda MyCEB biznesni rivojlantirish bo‘limining katta menejeri Edvard Lim Chi Chong so‘zga chiqdi. Malayziyaning O‘zbekistondagi elchisining rasmiy murojaatini Arxan Syaftisiya Shah Anuar o‘qib eshittirdi.
Seminarlar davomida MyCEB va Tourism Malaysia vakillari Malayziyaning MICE industriyasi uchun asosiy afzalliklarini taqdim etdi. Ular orasida rivojlangan infratuzilma, zamonaviy mehmonxona tarmog‘i, xizmatlarning maqbul narx va sifat nisbati, samarali logistika va aviaqatnovlar, shuningdek, davlat tomonidan ko‘rsatilayotgan qo‘llab-quvvatlash alohida ta’kidlandi.
Shuningdek, Osiyoning yetakchi biznes turizmi markazlaridan biri bo‘lgan Kuala-Lumpurga alohida e’tibor qaratildi. Shaharning konferensiyalar, uchrashuvlar va ko‘rgazmalar o‘tkazish uchun rivojlangan ekotizimga ega ekani, biznes tadbirlar sanoatini qo‘llab-quvvatlash bo‘yicha davlat siyosati izchil davom etayotgani qayd etildi.
MyCEB bosh direktori Tan Mey Phingning ta’kidlashicha, Markaziy Osiyo Malayziyaning biznes tadbirlari industriyasi uchun eng istiqbolli o‘sish bozorlaridan biri hisoblanadi.
— Qozog‘iston va O‘zbekistonda ilk bor tashkil etilgan tadbirlarimiz hamkorlik aloqalarini mustahkamlash, yangi imkoniyatlarni ochish va Malayziyani Janubi-Sharqiy Osiyodagi xalqaro biznes tadbirlari uchun yetakchi maydon sifatida namoyish etishga xizmat qiladi, — dedi u.
Ta’kidlanishicha, Qozog‘iston va O‘zbekiston Malayziya uchun istiqbolli va jadal rivojlanayotgan bozorlar bo‘lib qolmoqda. Markaziy Osiyo va Malayziya o‘rtasidagi aviaqatnovlar sonining ortishi hamda parvoz dasturlarining kengayishi yo‘nalishni sayyohlar va biznes vakillari uchun yanada qulay qilmoqda.
Seminar ishtirokchilariga konferensiyalar, korporativ uchrashuvlar va incentive-dasturlarni tashkil etish imkoniyatlari bilan bir qatorda, xizmat safarlarini dam olish bilan uyg‘unlashtiruvchi bleisure formati salohiyati ham taqdim etildi.
Tadbirlar doirasida Tourism Malaysia’ning Olmaotadagi marketing mutaxassisi Kamilla Chaldanbayeva Malayziyaning turistik imkoniyatlariga bag‘ishlangan taqdimot o‘tkazdi. Unda oilaviy, premium va ekskursiyaviy turizm yo‘nalishlari haqida ma’lumot berildi.
Seminarlar Malayziya va Markaziy Osiyo mamlakatlari o‘rtasida turizm, savdo va biznes sohalaridagi hamkorlik salohiyati ortib borayotganini namoyish etdi. Bu jarayon Visit Malaysia 2026 (VM2026) kampaniyasi doirasida ikki tomonlama aloqalarning mustahkamlanib borayotganini ham aks ettirmoqda.
2025-yilda Malayziyaga Qozog‘istondan 43 mingdan ortiq sayyoh tashrif buyurgan bo‘lsa, O‘zbekistondan 20 mingdan ziyod mehmon kelgan. Bu esa mamlakatga bo‘lgan qiziqish ortib borayotganini hamda davlatlar o‘rtasidagi gumanitar aloqalar mustahkamlanayotganini ko‘rsatadi.
Malayziya Markaziy Osiyo bilan aviaaloqalarni ham izchil kengaytirib bormoqda.
Hozirda AirAsia X aviakompaniyasi Kuala-Lumpur–Olmaota yo‘nalishida, Uzbekistan Airways va Batik Air Malaysia Kuala-Lumpur–Toshkent yo‘nalishida, Turkmenistan Airlines esa Kuala-Lumpur–Ashxobod yo‘nalishida muntazam qatnovlarni amalga oshirmoqda.
Murojaat uchun:
|
Nor Shazly Azmi |
|
|
Norshariza Mohd Saad Deputy Director Corporate Communications Division norshariza@tourism.gov.my |
|
