Turkiston silovsini zaif, qisqarib borayotgan, mozaik tarqalgan kenja tur sifatida Oʻzbekiston Qizil kitobi va CITESning II ilovasiga kiritilgan. Hisor, Chotqol, Zomin, Surxon qoʻriqxonalarida, Ugom-Chotqol milliy tabiat bogʻi va Zomin milliy tabiat bogʻida muhofaza ostiga olingan. 17-yilgacha yashaydi, soni taxminan 300 taga yaqin.
Maʼlumot uchun, Zomin davlat qoʻriqxonasi 1928-yil 5-iyunda Jizzax viloyatining Zomin va Baxmal tumanlari hududlarida tashkil qilingan. Hududda 149 tur hayvonot dunyosi yashaydi, shundan 17 turi Oʻzbekiston Qizil kitobiga kiritilgan. Qoʻriqxonada Turkiston silovsinidan tashqari Tyan-Shan qoʻngʻir ayigʻi, Sibir togʻ echkisi, oq boshli qumoy, burgut, tasqara va boshqa hayvonlar ham yashaydi.
