Vazirlar Mahkamasi 17.02.2025-yildagi 97-son qarori bilan sholi yetishtiruvchilarni davlat tomonidan qoʻllab-quvvatlashning qoʻshimcha chora-tadbirlari belgilandi.
Quyidagilar belgilandi:
- Xorazm viloyatidagi sholi yetishtiruvchilariga lazer qurilmaga ega yer tekislagich agregat bilan tekislangan har bir gektar ekin maydoniga sarflangan yonilgʻi-moylash materiallari qiymatining 100 foizi, lekin 1 mln soʻmdan ortiq boʻlmagan qismi qoplab beriladi;
- 2025-2026-yillarda ishlab chiqaruvchidan sotib olingan (sotib olingan kundan bir yildan oshmagan) mahalliy yoki import zamonaviy sholi seyalkalari va intensiv ekish texnikasi qiymatining 20 foizini qoplash uchun Davlat byudjetidan subsidiyalar ajratiladi.
Xorazm viloyatining har bir tumanida sholichilarga lazerli tekislash qurilmasi yordamida tekislangan har bir gektar ekin maydoni uchun yoqilgʻi-moylash materiallariga, shuningdek sholi seyalkalarini xarid qilish uchun subsidiyalar ajratishda yordam koʻrsatish maqsadida tuman ishchi guruhi tashkil etiladi.
Dalani lazerli tekislash qurilmasi bilan tekislagandan soʻng sholikorlar 5 ish kuni ichida yoqilgʻi-moylash materiallari xarajatlarini qoplash uchun subsidiya ajratish toʻgʻrisidagi ariza bilan «Agrosubsidiya« AT orqali tuman ishchi guruhiga murojaat qilishlari kerak. Tuman ishchi guruhi hujjatlarni 5 kun ichida koʻrib chiqadi va xulosa beradi.
«Oʻzagroinspeksiya« Suv xoʻjaligi vazirligi bilan birgalikda xulosa olingan kundan boshlab uch ish kuni ichida subsidiyalar ajratish toʻgʻrisida qaror qabul qiladi.
Zamonaviy sholi seyalkalari va intensiv ekish uskunalari uchun subsidiya oluvchi ularni kamida 3-yil davomida maqsadli va samarali foydalanishi shart.
Hujjat bilan quyidagilar tasdiqlandi:
- 2025-2026-yillarda Xorazm viloyatida sholi yetishtirish bilan shugʻullanuvchi qishloq xoʻjaligi subyektlariga lazer qurilmasi bilan jihozlangan tekislash qurilmasidan foydalangan holda yerlarni tekislash boʻyicha xarajatlarni qoplash uchun subsidiyalar berish tartibi toʻgʻrisidagi vaqtinchalik nizom;
- 2025-2026-yillarda xarid qilingan zamonaviy sholi seyalkalari va intensiv ekish texnikasi qiymatining bir qismini qoplash tartibi toʻgʻrisidagi vaqtinchalik nizom.
Hujjat Qonun hujjatlari maʼlumotlari milliy bazasida eʼlon qilingan va 18.02.2025-yildan kuchga kirdi.
