Butunjahon odam savdosiga qarshi kurashish kuni munosabati bilan Migratsiya agentligi, Tashqi ishlar vazirligi, Bandlik vazirligi, Oila va xotin-qizlar qoʻmitasi hamda huquq-tartibot idoralari bilan hamkorlikda joriy yil 30-iyuldan 30-avgustgacha «Vatanga qaytarish« nomli xayriya aksiyasi oʻtkaziladi.
Aksiya doirasida xorij davlatlarida ogʻir sharoitda qolgan Oʻzbekiston fuqarolarini Vatanga qaytarish va ularni samarali reintegratsiya qilish maqsad qilingan.
Murojaat uchun: Migratsiya agentligining xorijdagi vakolatxonalari va Oʻzbekistonning xorijdagi vakolatxonalari hamda konsullik muassasalari, @huquqiy_yordam_uzbot yoki 12-82 qisqa raqamiga qoʻngʻiroq qiling.
