Сөйлесиўлерде жоқары дәрежеде ерисилген келисимлерди
әмелге асырыў, сондай-ақ, Өзбекстан - Россия стратегиялық шериклик ҳәм
аўқамласлық қатнасықларын және де беккемлеў мәселелерине айрықша итибар
қаратылды.
Тәреплер барлық бағдарларда еки тәреплеме
байланыслардың жедел раўажланып атырғанын атап өтти. Товар алмасыў турақлы
артып атырғаны, санаат кооперациясы бойынша ири жойбарлар әмелге асырылып
атырғаны ҳәм мәдений-гуманитарлық бирге ислесиў кеңейип атырғаны атап өтилди.
Билимлендириў, инновациялар, инфраструктура ҳәм
аймақлараралық бирге ислесиў тараўларындағы бирге ислесиўди раўажландырыўға
айрықша итибар қаратылды.
Өзбекстан ҳәм Россия арасындағы өз-ара инвестицияларды
хошаметлеў ҳәм исбилерменлик байланысларын жеделлестириў илажлары да додаланды.
Тәреплер регионаллық ҳәм халықаралық әҳмийетке ийе актуал мәселелер бойынша
пикир алысты.
Еки мәмлекет сыртқы сиясий уйымлары өз-ара пайдалы
бирге ислесиўди беккемлеў бағдарындағы жумысларды даўам еттиретуғыны атап
өтилди.
