Сырт елли бирге ислесиўшилер өз қутлықлаўларында Жаңа Өзбекстандағы
өзгерислердиң көлемин, социаллық-экономикалық раўажланыў ҳәм халықтың
абаданлығын арттырыўда ерисилген нәтийжелерди атап өтпекте. Мәмлекетимиз
Орайлық Азияда тынышлық ҳәм турақлылықты беккемлеў, жақсы қоңсышылық ҳәм
регионаллық бирге ислесиўди раўажландырыўда белсене қатнасып атырғаны, әҳмийетли
халықаралық мәселелерди шешиўде конструктивлик қатнасып атырғаны айрықша атап
өтилди.
Саўда-экономикалық,
инвестициялық, транспорт, энергетика, мәдений-гуманитарлық ҳәм басқа да
тараўларда әмелий бирге ислесиў избе-из кеңейип атырғаны жоқары баҳаланбақта.
Өзбекстан
Президенти ҳәм мәмлекетимиздиң көп миллетли халқына тынышлық-парахатшылық,
абаданлық ҳәм раўажланыў тилеклери билдирилген. Қутлықлаўлардың авторлары
дослық қатнасықлар ҳәм өз-ара пайдалы шерикликти буннан былай да беккемлеўге
исеним билдиреди.
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан
Республикасы Президенти
Ҳүрметли Шавкат
Миромонович!
Өзбекстан
Республикасы ғәрезсизлиги жәрияланғанының 35 жыллығы мүнәсибети менен қызғын
қутлықлаўларымды қабыл еткейсиз.
Мәмлекетиңиз
экономикалық ҳәм социаллық раўажланыў жолынан исенимли бармақта, дүнья
көлеминде ҳақылы түрде жоқары абырайға ийе.
Россия -
Өзбекстан қатнасықлары стратегиялық шериклик ҳәм аўқамласлық характерине ийе.
Москва ҳәм Ташкент арасында барлық әҳмийетли бағдарларда нәтийжели бирге
ислесиў, халықаралық мәселелерде нәтийжели шериклик жолға қойылған.
Биргеликтеги
ис-ҳәрекетлеримиз бенен дос Россия ҳәм Өзбекстан халықларының абаданлығы,
регионаллық қәўипсизлик ҳәм турақлылықты беккемлеў жолында шериклик
байланысларының барлық комплексин буннан былай да кеңейтиўди тәмийинлеўимиз
сөзсиз.
Сизге, ҳүрметли
Шавкат Миромонович, беккем денсаўлық ҳәм табыслар, барлық ўатанласларыңызға
бахыт-ығбал ҳәм раўажланыў тилеймен.
Ҳүрмет пенен
Владимир Путин,
Россия
Федерациясы Президенти
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан
Республикасы Президенти
Ҳүрметли
Президент Мырза!
Өзбекстан
Республикасы ғәрезсизлигиниң 35 жыллығы мүнәсибети менен Сизди ҳәм дос
Өзбекстан халқын қызғын қутлықлап, ең жақсы тилеклеримди билдиремен!
Өткен 35 жыл
даўамында, әсиресе, соңғы он жылда Сизиң басшылығыңызда Өзбекстан өз
раўажланыўында үлкен жетискенликлерге еристи. Жаңа дәўирде дос қоңсы ҳәм барлық
шараятларда ҳәр тәреплеме стратегиялық шерик сыпатында Қытай тәрепи буннан шын
жүректен қуўанышлы.
Өткен жылы Сиз
бенен еки мәрте ушырасып, Қытай - Өзбекстан қатнасықларын раўажландырыў бойынша
жаңа режелерди белгилеп алған едик. Мәмлекетлеримиз арасындағы қатнасықларға
айрықша итибар қаратаман, Сиз бенен биргеликте еки мәмлекет халықларының
абаданлығы жолында уқсас тәғдирге ийе Қытай-Өзбекстан шериклигин қурыўға биргеликте
ҳәрекет етиўге таярман.
Мәмлекетиңизге
раўажланыў ҳәм абаданлық, Өзбекстан халқына болса бахыт-ығбал, тынышлық ҳәм
абаданлық тилеймен!
Си Цзиньпин,
Қытай Халық
Республикасының Баслығы
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан
Республикасы Президенти
Ҳүрметли
Президент Мырза!
Америка халқы
атынан Сизге ҳәм Өзбекстан халқына мәмлекетиңиз ғәрезсизлигиниң 35 жыллығы
мүнәсибети менен қызғын тилеклеримди жоллайман. Бул қутлы сәне Өзбекстанның бай
тарийхы ҳәм жоқары мәдениятына және бир мәрте нәзер таслаў ушын әҳмийетли ҳәм
өз ўақтындағы себеп болып есапланады.
Өзбекстан әҳмийетли
ҳәм мақсетли реформаларды әмелге асырып атырған бир ўақытта стратегиялық
шериклигимиз де избе-из кеңейип, раўажланып бармақта. Өткен жылы улыўма
мәплеримизди алға қойыў, соның ишинде, шегараларымыздың қәўипсизлигин
тәмийинлеў, еки тәреплеме саўда ҳәм инвестицияларды көбейтиў, энергетика
тараўындағы байланысларды беккемлеў ҳәм регионаллық өз-ара байланыслылықты
кеңейтиў бойынша салмақлы жумысларды әмелге асырдық.
Америка Қурама
Штатлары бирге ислесиўдиң жаңа бағдарларын үйрениў барысында еки тәреплеме
қатнасықларымызды буннан былай да беккемлеўден үмит етпекте. Ғәрезсизлик
байрамы мүнәсибети менен Сизге ҳәм Өзбекстан халқына ең жақсы тилеклеримди
билдиремен.
Ҳүрмет пенен
Дональд Трамп,
Америка Қурама
Штатлары Президенти
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан
Республикасы Президенти
Ҳүрметли Шавкат
Миромонович!
Қазақстан халқы
атынан Сизди ҳәм пүткил туўысқан Өзбекстанды Ғәрезсизликтиң 35 жыллығы менен
шын жүректен қутлықлайман!
Мәмлекетиңиздиң
суверен раўажланыўы тарийхындағы бул әҳмийетли сәне ҳақылы түрде өзбек халқының
айрықша мақтанышы болып есапланады. Ол миллеттиң бирлиги ҳәм татыўлығын,
турақлы өсиў ҳәм раўажланыўға исенимли умтылысын билдиреди.
Мәмлекетиңиздиң
мәмлекетшилик тийкарларын беккемлеў, турақлы раўажланыўды тәмийинлеў,
халықаралық майдандағы абырай-мәртебесин беккемлеў бағдарындағы үлкен жетискенликлери
негизинде Сизиң "Жаңа Өзбекстан"ды қурыў бойынша дана ҳәм узақты
гөзлеген стратегияңыз себепли жүзеге келди.
Қазақстанда
туўысқан Өзбекстанның барлық табыслары шын жүректен қуўаныш пенен қабыл
етилмекте. Биз халықларымыздың көп әсирлик дослығы, жақсы қоңсышылығы ҳәм
өз-ара қоллап-қуўатлаўын жоқары қәдирлеймиз. Көп қырлы бирге ислесиўимиз мисли
көрилмеген жоқары дәрежеде раўажланбақта, стратегиялық шериклик ҳәм аўқамласлық
руўхына толық жуўап береди.
Биргеликтеги
жумысларымыз ерисилген нәтийжелерди буннан былай да арттырыў ҳәм Қазақстан -
Өзбекстан бирге ислесиўин мәмлекетлеримиздиң абаданлығы жолында жаңа шеклерге
алып шығыў имканиятын беретуғынына исенемен.
Усы қутлы
әййямда, ҳүрметли Шавкат Миромонович, Сизге жуўапкершиликли мәмлекетлик
жумысыңызда жаңа табыслар, туўысқан Өзбекстан халқына абаданлық ҳәм раўажланыў
тилеймен.
Ҳүрмет пенен
Қасым-Жомарт
Тоқаев,
Қазақстан
Республикасы Президенти
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан Республикасы
Президенти
Ҳүрметли Шавкат
Миромонович!
Сизди ҳәм
туўысқан Өзбекстан Республикасы халқын ғәрезсизликтиң 35 жыллығы менен шын
жүректен қутлықлайман.
Сизиң дана
басшылығыңыз астында Өзбекстан терең структуралық реформаларды табыслы әмелге
асырмақта, турақлы экономикалық өсиў тенденциясын тәмийинлемекте, халқымыздың
турмыс дәрежесин арттырыўда салмақлы нәтийжелерге ериспекте.
Бүгинги күнде
Қырғызстан - Өзбекстан қатнасықлары стратегиялық шериклик ҳәм аўқамласлық
сыяқлы жоқары дәрежеге көтерилген. Сизиң жақында Қырғызстанға әмелге асырған
мәмлекетлик сапарыңыз тарийхый ўақыя болды, еки мәмлекет арасындағы
қатнасықларды сапа жағынан жаңа басқышқа алып шықты.
Биргеликтеги
ҳәрекетлеримиз нәтийжесинде шегара мәселелери шешилди, саўда-экономикалық,
инвестициялық, транспорт-транзит ҳәм мәдений-гуманитарлық тараўлардағы бирге
ислесиў сапа жағынан жаңа басқышқа көтерилди.
Булардың барлығы
халықларымыздың тарийхый ҳәм руўхый жақынлығы, туўысқан мәмлекетлеримиз
арасындағы жоқары исенимниң нәтийжеси, деп есаплайман.
Келисилген
ўақытта Өзбекстан Республикасына мәмлекетлик сапар менен барыў ҳәм Қырғызстан -
Өзбекстан шериклигин және де беккемлеў имканиятын қуўаныш пенен күтип қаламан.
Ҳүрметли Шавкат
Миромонович, Сизге беккем денсаўлық, бахыт-ығбал ҳәм жуўапкершиликли
жумысыңызда табыслар, Өзбекстан Республикасы халқына болса тынышлық-парахатшылық
ҳәм раўажланыў тилеймен.
Ҳүрмет пенен
Садир Жапаров,
Қырғызстан
Республикасы Президенти
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан
Республикасы Президенти
Қәдирли Шавкат
Миромонович!
Дос Өзбекстанның
Миллий байрамы - Ғәрезсизлик күниниң 35 жыллығы мүнәсибети менен Сизге ҳәм дос
Өзбекстанның пүткил туўысқан халқына Тәжикстан халқы атынан ҳәм жеке өзимниң
атымнан қызғын қутлықлаўларымды жоллаўдан оғада қуўанышлыман.
Ғәрезсизлик
жылларында Өзбекстан Республикасының раўажланыўы ҳәм абаданлығы жолында ерисип
атырған жетискенликлериниң көлеми, жәҳән көлеминдеги абырайының артыўы шексиз
ҳәм мақтаўға ылайық.
Биз бәрқулла
Тәжикстан сыртқы сиясатының тийкарғы бағдары болған ҳәм болып киятырған ең
жақын қоңсымыздың бул жетискенликлеринен шын жүректен қуўанышлымыз.
Тәжикстанда
дослық ҳәм өз-ара түсинисиўдиң беккем тарийхый дәстүрлерине тийкарланған ўақыт
пенен сыналған жыллы ҳәм мазмунлы Тәжикстан - Өзбекстан қатнасықларын
қәдирлейди ҳәм оларға үлкен әҳмийет береди.
Бирге ислесиўдиң
барлық тараўларында еки тәреплеме қатнасықлардың конструктивлик орталығы ҳәм,
әлбетте, туўысқан халықларымыздың тийкарғы мәплерине жуўап беретуғын өз-ара
пайдалы шериклигимиздиң жедел раўажланып атырғанынан қанаатланамыз.
Биргеликтеги
ҳәрекетлеримиз бенен стратегиялық шериклик ҳәм аўқамласлық қатнасықларымызды
буннан былай да беккемлеп, еки тәреплеме қатнасықларымыздағы үлкен потенциалды
толық иске қосатуғынымызға исеним билдиремен.
Өз гезегинде, биз
бул бағдарда барлық зәрүр ҳәрекетлерди иске қосыўға таярмыз.
Усы қутлы әййямда
Сизге, ҳүрметли Шавкат Миромонович, беккем денсаўлық, абаданлық ҳәм барлық
жумысларыңызда жаңа табыслар, дос Өзбекстан халқына болса тынышлық-парахатшылық,
абаданлық ҳәм раўажланыў тилеймен.
Үлкен ҳүрмет
пенен
Эмомали Раҳмон,
Тәжикстан
Республикасы Президенти
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан Республикасы
Президенти
Ҳүрметли Шавкат
Миромонович!
Түркменстан халқы
ҳәм Ҳүкимети атынан, сондай-ақ, жеке өзимниң атымнан Сизге ҳәм Сиз арқалы
туўысқан Өзбекстан Республикасының пүткил халқына мәмлекетиңиз ғәрезсизлигиниң
35 жыллығы мүнәсибети менен қызғын қутлықлаўларымды ҳәм жақсы тилеклеримди
жоллаў мен ушын үлкен мақтаныш.
Өзбекстан
Республикасы суверен раўажланыў жылларында мәмлекетшиликти беккемлеў, халықтың
абаданлығын жақсылаў, мәмлекеттиң халықаралық майдандағы абырайын арттырыў
бойынша үлкен жетискенликлерге еристи.
Ҳәзирги ўақытта
жақсы қоңсышылық, дослық ҳәм өз-ара қоллап-қуўатлаў принциплерине тийкарланған
Түркменстан - Өзбекстан қатнасықлары барған сайын жедел ҳәм избе-из раўажланып
атырғанын, оларды үлкен өз-ара исеним, тең ҳуқықлылық ҳәм ашық-айдынлық
ажыратып туратуғынын үлкен қанаатланыўшылық пенен атап өтиўди қәлер едим. Қатаң
исенемен, стратегиялық көриниске ийе болған Түркменстан - Өзбекстан туўысқанлық
қатнасықлары биргеликтеги ҳәрекетлеримиз бенен буннан былай да халықларымыздың
абаданлығы жолында раўажланып ҳәм беккемленип барады.
Бул жағымлы
имканияттан пайдаланып, Сизге, ҳүрметли Шавкат Миромонович, беккем денсаўлық,
бахыт-ығбал, туўысқан Өзбекстан Республикасы халқына болса тынышлық, раўажланыў
ҳәм абаданлық тилеймен.
Терең ҳүрмет пенен,
Сердар
Бердимуҳамедов,
Түркменстан
Президенти
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан
Республикасы Президенти
Ҳүрметли Шавкат
Миромонович!
Әзиз туўысқаным!
Өзимниң атымнан
ҳәм Әзербайжан халқының атынан Сизге ҳәм сизиң тымсалыңызда туўысқан халқыңызға
қутлы сәне - Өзбекстан Республикасы ғәрезсизлигиниң 35 жыллығы мүнәсибети менен
қызғын қутлықлаўларымды ҳәм жақсы тилеклеримди жоллаўдан қуўанышлыман.
Ғәрезсизликке
ерискеннен кейинги дәўирде туўысқан Өзбекстан ҳәр тәреплеме жедел раўажланыў
жолын басып өтип, үлкен жетискенликлерге еристи, халықаралық майданда ҳәм
регионда жоқары абырай-мәртебеге ийе болды.
Сизиң дана
басшылығыңыз ҳәм стратегиялық көзқарасыңыз себепли мәмлекетиңизде барлық
тараўларда кең көлемли реформалар ҳәм дөретиўшилик жумыслары табыслы әмелге
асырылды, экономикалық раўажланыўға ерисилди, халықтың социаллық абаданлығы
тәмийинленди.
Өзбекстанның өз
алдына қойған мақсет ҳәм ўазыйпаларға ерисиўи, барлық жетискенликлериниң
тийкарында Сизиң тынымсыз мийнетиңиз, сондай-ақ, халқыңыздың үлкен исеними ҳәм
алып барып атырған исенимли мәмлекетлик сиясатыңыздың қоллап-қуўатланыўы жатыр.
Биз туўысқан ҳәм аўқамлас мәмлекет сыпатында Өзбекстанның ҳәр бир жетискенлигин
өзимиздиң жетискенлигимиз деп билемиз ҳәм оны мақтаныш етемиз. Ҳәр сапары
бийтәкирар ҳәм миймандос елиңизге барғанымда Өзбекстанның әҳмийетли
жетискенликлерине гүўа болып атырман. Жақында туўысқан мәмлекетке мәмлекетлик
сапар менен барып, Сиз бенен ушырасқанымды оғада жақсы тәсирлер менен еслеймен.
Улыўмалық
тарийхый-мәдений байланыслар, үзилмес дослық ҳәм туўысқанлыққа тийкарланған
Әзербайжан - Өзбекстан қатнасықлары бүгин өзиниң ең жоқары дәрежесинде.
Өзбекстан менен еки тәреплеме байланысларымызды буннан былай да ҳәр тәреплеме
раўажландырыў ҳәм тереңлестириў биз ушын тийкарғы мәселелерден бири болып
есапланады.
Биргеликтеги
ҳәрекетлеримиз нәтийжесинде мәмлекетлераралық байланыслар ҳәм аўқамласлық
күннен-күнге және де беккемленип, көп қырлы бирге ислесиўимиз жаңа әмелий
мазмун менен байып атырғанынан қуўанышлыман.
Ең үлкен
байлығымыз болған Әзербайжан - Өзбекстан бирлигин қорғаў ҳәм сақлаў, ҳәр
тәреплеме бирге ислесиўди раўажландырыў, аўқамласлығымызды избе-из беккемлеў
бойынша өзимизге жүкленген мақтанышлы миссияны буннан былай да биргеликте
табыслы әмелге асыратуғынымызға исенемен.
Ҳүрметли Шавкат
Миромонович!
Усы тарийхый
күнде Сизиң ҳәм туўысқан Өзбекстан халқының қуўанышына шерик болып, Сизге
беккем денсаўлық, бахыт-ығбал, жоқары мәмлекетлик жумысыңызда табыслар,
Өзбекстан Республикасына болса турақлы абаданлық, раўажланыў тилеймен.
Ҳүрмет пенен
Илҳам Алиев,
Әзербайжан
Республикасы Президенти
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан
Республикасы Президенти
Ҳүрметли
Президент мырза, қәдирли туўысқан!
Өзбекстан
ғәрезсизлиги күни мүнәсибети менен Сиз, Уллы мәртебели мырзаға ҳәм Сиз арқалы
туўысқан өзбек халқына ең жақсы тилеклеримди жоллайман.
Биз, сондай-ақ,
стратегиялық шеригимиз Өзбекстанның ғәрезсизликке ерискенинен берли өткен 35
жылдағы жетискенликлери ҳәм халықаралық майдандағы абырай-мәртебеси, әсиресе,
соңғы жылларда Сизиң дана басшылығыңыз астында ерисилген табыслар менен
мақтанамыз.
Сиз, Уллы
мәртебели мырзаның салмақлы үлесиңиз ҳәм ҳәрекетлери менен тығыз бирге
ислесиўимиз еки тәреплеме форматта да, бәринен бурын, Түркий мәмлекетлер
шөлкеми шеңберинде ҳәм басқа да көп тәреплеме халықаралық майданларда кеңейип,
избе-из раўажланып атырғаны қуўанышлы. Усы мәниде, 2026-жыл 29-январь күни
Түркияда болып өткен Түркия - Өзбекстан жоқары дәрежедеги Стратегиялық бирге
ислесиў кеңесиниң 4-мәжилиси беккем шериклигимиздиң әҳмийетли нәтийжеси болды.
Сондай-ақ, Сизди,
әзиз достым, 2026-жыл 29-30-октябрь күнлери Анкара қаласында болып өтетуғын
Түркий мәмлекетлер шөлкеминиң 13-саммити ҳәм 2026-жыл 11-12-ноябрь күнлери
Анталия қаласында болып өтетуғын жоқары дәрежедеги COP31 ушырасыўы шеңберинде
мәмлекетимизде күтип алыўдан қуўанышлыман.
Пурсаттан
пайдаланып, Сизди Өзбекстан Ғәрезсизлиги күни менен және бир мәрте қутлықлап,
Сиз, Уллы мәртебели мырзаға беккем денсаўлық ҳәм бахыт-ығбал, дос ҳәм туўысқан
өзбек халқына абаданлық ҳәм раўажланыў тилеймен.
Режеп Таййип
Ердоған,
Түркия
Республикасы Президенти
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан
Республикасы Президенти
Ҳүрметли Шавкат
Миромонович!
Сизди ҳәм
Өзбекстан халқын Өзбекстан Республикасы мәмлекетлик ғәрезсизлигиниң 35 жыллығы
менен шын жүректен қутлықлайман.
Өткен жыллар
даўамында мәмлекетимиз суверенитетин беккемлеў бағдарында кең көлемли
табысларға еристи. Мәмлекеттиң турақлы социаллық-экономикалық раўажланыўы,
пуқаралардың абаданлығы артып, республиканың халықаралық майдандағы абырайы
жоқарылап атырғаны Сиз алып барып атырған сиясаттың дурыслығы ҳәм
нәтийжелилигинен дәрек береди.
Минск ҳәм Ташкент
қалалары арасындағы беккем дослық ҳәм өз-ара исеним буннан былай да көп қырлы
Беларусь - Өзбекстан бирге ислесиўин стратегиялық шериклик руўхында беккемлеў
ҳәм кеңейтиўдиң тийкары болып хызмет ететуғынына исенемен.
Сизге, ҳүрметли
Шавкат Миромонович, шын кеўлимнен беккем денсаўлық, бахыт-ығбал ҳәм
жуўапкершиликли мәмлекетлик лаўазымда жаңа жетискенликлер, Өзбекстан халқына
болса тынышлық-парахатшылық ҳәм раўажланыў тилеймен.
Ҳүрмет пенен
Александр Лукашенко,
Беларусь
Республикасы Президенти;
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа,
Өзбекстан
Республикасы Президенти
Ҳүрметли
Президент Мырза!
Өзбекстан
Республикасының Ғәрезсизлик күни мүнәсибети менен Египет халқы ҳәм жеке өзимниң
атымнан Сиз, Уллы мәртебели мырзаға ҳәм дос өзбек халқына қызғын
қутлықлаўларымды ҳәм жақсы тилеклеримди жоллаўдан оғада қуўанышлыман.
Пурсаттан
пайдаланып, Өзбекстан менен Египет арасындағы қатнасықлар жоқары дәрежеде
екенин айрықша атап өтпекшимен. Халықларымыздың абаданлығы жолында түрли
тараўлардағы бирге ислесиўдиң жаңа бағдарларын өзлестириў мақсетинде бир қатар
мәселелер бойынша муўапықласыўды даўам еттириўге таяр екенимди және бир мәрте
тастыйықлайман.
Ҳүрметли Президент
Мырза, Сиз, Уллы мәртебели мырзаға бахыт-ығбал ҳәм табыслар, дос Өзбекстан
халқына болса турақлы абаданлық ҳәм раўажланыў тилеймен.
Терең ҳүрмет
пенен,
Абдулфаттоҳ
ас-Сиси,
Египет Араб
Республикасы Президенти
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа
Өзбекстан
Республикасы Президенти
Бисмиллаҳир
Роҳманир Роҳийм!
Мәмлекетиңиз
Ғәрезсизлик күни мүнәсибети менен Сиз, Уллы мәртебели мырзаны, сондай-ақ,
Өзбекстан ҳүкимети ҳәм дос, туўысқан халқын шын жүректен қутлықлайман.
Терең
тарийхый-мәдений ҳәм цивилизациялық байланыслар менен байланысқан Иран Ислам
Республикасы ҳәм Өзбекстан Республикасы өз-ара ҳүрмет ҳәм улыўмалық мәплерге
тийкарланған қатнасықларды раўажландырып келген.
Өз-ара тығыз
мәсләҳәтлесиўлерди даўам еттириў ҳәм ерисилген келисимлерди әмелге асырыў
нәтийжесинде Иран Ислам Республикасы ҳәм Өзбекстан Республикасы арасындағы еки
ҳәм көп тәреплеме бирге ислесиў буннан былай да раўажланып, саўда, транспорт, энергетика,
аўыл хожалығы, санаат, технологиялар, туризм, илим ҳәм мәдений алмасыў
тараўларындағы үлкен потенциал халықларымыздың мәплери, сондай-ақ, регионда
турақлылық, абаданлық ҳәм избе-из раўажланыўды тәмийинлеў жолында және де толық
жүзеге шығатуғынына исенемен.
Иран Ислам
Республикасы Өзбекстан Республикасын Орайлық Азиядағы әҳмийетли ҳәм исенимли
шерик деп биледи және өз-ара байланысларды ҳәр тәреплеме тереңлестириў, еки
тәреплеме, регионаллық ҳәм халықаралық дәрежедеги бирге ислесиўди кеңейтиў
бағдарындағы умтылысы исенимли екенин тастыйықлайды.
Жаратқаннан Сиз,
Уллы мәртебели мырзаға беккем денсаўлық ҳәм табыслар, дос ҳәм туўысқан
Өзбекстан Республикасы халқына турақлы абырай-мәртебе, раўажланыў ҳәм абаданлық
тилеп қаламан.
Масъуд Пезешкиан,
Иран Ислам
Республикасы Президенти
* *
*
Уллы мәртебели
мырзаға
Уллы Мәртебели
Мырза Шавкат Мирзиёевқа
Өзбекстан
Республикасы Президенти
Өзбекстан
Республикасының Ғәрезсизлик күни мүнәсибети менен Пакистан халқы ҳәм ҳүкимети,
сондай-ақ, жеке өзимниң атымнан қызғын қутлықлаўларымды жоллаймен.
Пакистан
Өзбекстан менен исеним бирлиги, терең тарийхый байланыслар ҳәм мәңги мәдений
жақынлыққа тийкарланған туўысқанлық қатнасықларына үлкен әҳмийет қаратады.
Усы жылдың
басында Пакистанга әмелге асырған умытылмас ҳәм нәтийжели сапарыңызды
қанаатланыўшылық пенен еслеймен. Жоқары дәрежедеги Стратегиялық бирге ислесиў
кеңеси шеңбериндеги мазмунлы сөйлесиўлер ҳәм ерисилген келисимлер саўда,
инвестициялар, регионаллық өз-ара байланыслылық, энергетика, билимлендириў,
туризм ҳәм халықларымыз арасындағы алмасыўлар тараўларындағы бирге
ислесиўимизге жаңа пәт бағышлады.
Пакистанның
Өзбекстан менен көп қырлы стратегиялық шерикликти өз-ара пайдалы барлық
тараўларда турақлы бирге ислесиў ҳәм тығыз муўапықластырыў арқалы буннан былай
да беккемлеў бағдарындағы умтылысы исенимли екенин және бир мәрте
тастыйықламақшыман.
Пурсаттан
пайдаланып, Сиз, Уллы мәртебели мырзаға беккем денсаўлық, бахыт-ығбал ҳәм
табыслар, туўысқан Өзбекстан халқына болса тынышлық-парахатшылық, раўажланыў
ҳәм абаданлық тилеп, шын жүректен дуўалар етемен.
Уллы мәртебели
мырза, Сизге болған жоқары ҳүрметимди қабыл еткейсиз.
Шаҳбаз Шариф,
Пакистан Ислам
Республикасы Бас министри
* * *
Уллы мәртебели
мырзаға
Уллы Мәртебели
Мырза Шавкат Мирзиёевқа
Өзбекстан
Республикасы Президенти
Ҳүрметли
Президент Мырза, қәдирли Шавкат Миромонович!
Өзбекстан өз
ғәрезсизлигиниң 35 жыллығын белгилеп атырған усы қутлы күнде Сизге ең қызғын
қутлықлаўларымды, халқыңызға абаданлық ҳәм раўажланыў тилеклерин жоллаўдан
қуўанышлыман.
Өз-ара сапарларымыздың
даўамы сыпатында Франция Өзбекстанның энергетика, транспорт, денсаўлықты
сақлаў, билимлендириў ҳәм қала инфраструктурасы сыяқлы ең әҳмийетли
тараўлардағы исенимли ҳәм узақ мүддетли шериги болып есапланады.
Мен бирге ислесиўимиздиң
динамикасын ҳәм көлемин буннан былай да кеңейтиў ҳәм беккемлеў нийетинде
исенемен. Усы мүнәсибет пенен быйыл өзиниң бир жыллығын белгилеп атырған
стратегиялық шериклигимиз әмелде өз көринисин таўып атырғанын қанаатланыўшылық
пенен қутлықлайман.
Сиз пүткил дүньяда
тән алынған уллы астрономлар Әбиў Райхан Беруний ҳәм Мырза Улығбектиң
жумысларын даўам еттирип, космос бағдарламасын раўажландырыўды әҳмийетли
бағдарлардан бири етип белгиледиңиз. Бул тарийхты Сиз бенен биргеликте даўам
еттириў мақсетинде усы жылы 9-10-сентябрь күнлери Парижде болып өтетуғын космос
бойынша халықаралық саммит шеңберинде Сиз бенен ушырасыў бахтына миясар
боламан, деп үмит етемен.
Ҳүрметли
Президент мырза, Сизге болған жоқары ҳүрметимди қабыл етиўиңизди сорайман.
Шын жүректен
дослық тилеклер менен,
Эммануэль Макрон,
Франция
Республикасы Президенти
* * *
Уллы Мәртебели
Мырза Шавкат Мирзиёевқа
Өзбекстан
Республикасы Президенти
Президент мырза!
Өзбекстан
Республикасы ғәрезсизлиги күни мүнәсибети менен Сизге ҳәм өзбек халқына қызғын
қутлықлаўларымды жоллайман.
Мени ҳәм
делегациям ағзаларын шын жүректен қабыллағаныңыз ушын Сизге және бир мәрте
миннетдаршылық билдирмекшимен. Сиз бенен болып өткен ашық ҳәм конструктивлик
пикир алысыў мәмлекетлеримиз арасындағы бирге ислесиўди және де тереңлестириўге
әҳмийетли үлес қосты.
Сизиң
басшылығыңызда әмелге асырылып атырған реформалар сиясатында үлкен табыслар
тилеймен ҳәм Германия Сизди буннан былай да исенимли шерик сыпатында
қоллап-қуўатлайтуғынына исеним билдиремен.
Сизге ең жақсы
тилеклеримди жоллайман, өзбек халқына болса еркин, қәўипсизлик ҳәм
абаданлықтағы тыныш келешек тилеймен.
Франк-Вальтер
Штайнмайер,
Германия
Федератив Республикасы Президенти
* * *
Сондай-ақ,
төмендегилер өз қутлықлаўларын жоллаған:
Қазақстан
Республикасының биринши Президенти Нурсултан Назарбаев,
Әзербайжан
Республикасының биринши вице-президенти Меҳрибон Алиева,
Армения
Республикасының Бас министри Никол Пашинян,
Саудия Арабстаны
Патшасы Салмон бин Абдулазиз Ол Сауд,
Саудия Арабстаны
Патшалығының Мийрасқоры, Бас министри Муҳаммад бин Салмон Ол Сауд,
Малайзия Патшасы
Султан Ибраҳим,
Малайзия Бас
министри Анвар Иброҳим,
Бирлескен Араб
Әмирликлери Президенти Шайх Муҳаммад бин Зоид Ол Наҳаян,
БАӘ
Вице-президенти, Бас министри, Дубай Әмирлигиниң ҳәкими Шайх Муҳаммад бин Рошид
Ол Мактум,
Бирлескен Араб
Әмирликлери Вице-президенти, Бас министриниң орынбасары, Президент
Администрациясының басшысы Шайх Мансур бин Зоид Ол Наҳаян,
Бирлескен Араб
Әмирликлери Бас министриниң орынбасары, ишки ислер министри Шайх Сайф бин Зоид
Ол Наҳаян,
Сербия
Республикасы Президенти Александр Вучич,
Словения
Республикасы Президенти Наташа Пирцс-Мусар,
Словакия
Республикасы Президенти Питер Пеллегрини,
Латвия
Республикасы Президенти Эдгарс Ринкевичс,
Албания
Республикасы Президенти Байрам Бегай,
Болгария
Республикасы Президенти Илияна Йотова,
Австрия
Республикасы Президенти Александр Ван дер Беллен,
Швейцария
Конфедерациясы Президенти Ги Пармелен,
Уллы Британия ҳәм
Арқа Ирландия Бирлескен Патшалығының Патшасы Чарльз III,
Нидерландия Патшасы
Виллем-Александр,
Рим католик
ширкеўиниң басшысы Лев XIV,
Сан-Марино
Республикасы капитан-регентлери Аличе Мина ҳәм Владимир Сельва,
Япония Императори
Нарухито,
Монголия
Президенти Ухнаагийн Хурелсух,
Сингапур
Республикасының Президенти Тарман Шанмугаратнам,
Вьетнам
Социалистлик Республикасы Президенти То Лам,
Алжир Халық
Демократиялық Республикасы Президенти Абдулмажид Теббун,
Палестина
Мәмлекети Президенти Маҳмуд Аббос,
Мавритания
Республикасы Президенти Муҳаммад аш-Шайх ал Ғазвани,
Шанхай бирге
ислесиў шөлкеминиң бас хаткери Нурлан Ермекбаев,
түркий
мәмлекетлер шөлкеминиң бас хаткери Кубаничбек Омуралиев,
Экономикалық
бирге ислесиў шөлкеминиң бас хаткери Асад Мажид Хан,
Ислам бирге
ислесиў шөлкеминиң бас хаткери Ҳусайн Иброҳим Тоҳа,
Парламентлераралық
аўқамның бас хаткери Анда Филипп,
ЮНЕСКО Бас
директоры Холид ал-Аноний,
БМШ Бас
хаткериниң Орайлық Азия бойынша арнаўлы ўәкили, БМШтың Орайлық Азия ушын
превентив дипломатия бойынша регионаллық орайының басшысы Каха Имнадзе,
"Орайлық
Азия - Қытай" форматының бас хаткери Сунь Вэйдун,
Евроазия
экономикалық комиссиясы Коллегиясының баслығы Бакитжан Сагинтаев,
ШБШ Регионаллық
антитеррор структурасы Атқарыў комитетиниң директоры Оларбек Шаршеев,
халықаралық
миграция шөлкеминиң бас директоры Эми Поуп,
Америка Қурама
Штатлары Конгресси Сенаты ағзасы Стив Дейнс,
Америка Қурама
Штатлары Конгресси Ўәкиллер палатасының ағзалары Кэрол Миллер, Джо Вильсон, Дон
Бэкон, Ронни Линн Джексон, Рон Эстес, Брайан Маст, Адам Смит ҳәм Ами Бера,
Әзербайжан Миллий
Мажлиси депутаты, Өзбекстан мәденияты елшиси Гунай Афандиева.
Қутлықлаўлар
келиўде даўам етпекте.
