Orion кемесинде төрт астронавт бар: командир Рид Вайсман, сондай-ақ, Виктор Гловер, Кристина Кох ҳәм Жереми Хансен. Экипаж жақын 10 күн ишинде Жердиң тәбийғый жолдасын айланып шығып, қайтып келеди, деп жазбақта РИА Новости.
Ушырылыўдан шама менен сегиз минут өткеннен кейин корабл космосқа жетип барды ҳәм шама менен бир саат өткеннен кейин Жер әтирапындағы орбитаға шықты. Биринши сутка даўамында астронавтлар кемениң турмыс тәмийнаты ҳәм басқарыў системаларының ислеўин тексереди. Үшинши суткада Orion Айға ушыў траекториясына шығыў манёврин орынлайды, бесинши суткада - Айдың гравитация зонасына киреди, алтыншы суткада болса жолдас бетине максимал жақынласады ҳәм Жерге қайтып жол баслайды.
Бурынғы ўақытлары усы миссияның ушырылыўы анықланған сызып шығыў себепли кешиктирилип, NASA март айындағы старт айнасын өткерип жибериўге мәжбүр болған еди. 1-апрель күни ушырыў ушын жаңа имканият ашылды ҳәм миссия белгиленген ўақытта табыслы старт алды.
Бул пәрўаз Artemis бағдарламасының гезектеги миссияларына таярлық көриўдиң әҳмиетли басқышы есапланады. NASA 2028-жылы астронавтлар Apollo бағдарламасы дәўиринен берли биринши мәрте Ай бетине қайтадан қондырылады, деп есапламақта. Инсан айға ақырғы мәрте 1972-жылдың декабрь айында " Apollo -17" миссиясы даўамында барған.
