Президенттиң "Жанылғы-энергетика тараўында базар принциплерине өтиў процесинде халықты социаллық қоллап-қуўатлаў илажлары ҳаққында"ғы Пәрманына бола, шаңарақлардың мүтәжлигин анықлаўда жан басына туўра келетуғын орташа айлық дәрамат нормасы арттырылады.
Соның ишинде, электр энергиясы ҳәм тәбийғый газден пайдаланыў бойынша компенсация тайынлаўда бул норма минимал тутыныў қәрежетлериниң 1,5 есесинен 2 есесине шекем арттырылады.
Көмир сатып алыў қәрежетлериниң бир бөлегин қаплаў ушын материаллық жәрдем ажыратыўда да дәрамат критерийи 1 еседен 2 есеге шекем көтериледи.
Сондай-ақ, "Сақаўат ҳәм көмек" қорының қаржылары есабынан коммуналлық қәрежетлерди қаплаў, коммуналлық төлемлер бойынша қарыздарлықты сапластырыў және көмир ямаса басқа да жанылғы өнимлери менен тәмийинлеў қәрежетлерин қаплаўда да бул норма 1 еседен 2 есеге шекем арттырылады.
Буннан тысқары, халыққа электр энергиясы ҳәм тәбийғый газден пайдаланыў бойынша базалық норма шеңбериндеги тарифлер менен нормадан артық пайдаланыў ушын белгиленген тарифлер арасындағы айырмашылықты компенсациялаў мүддети 2028-жыл 1-апрельге шекем создырылады.
Көмир сатып алыў қәрежетлериниң бир бөлегин қаплаў ушын материаллық жәрдем төлеў мүддети болса 2029-жыл 1-январьға шекем даўам етеди.
