Сөйлесиў алдында БАӘ Президенти мәмлекетимиз жетекшисин туўылған күни
менен қызғын қутлықлап, оған беккем денсаўлық ҳәм абаданлық, жуўапкершиликли
мәмлекетлик жумысында үлкен табыслар, туўысқан Өзбекстан халқына болса
тынышлық-парахатшылық ҳәм турақлы раўажланыў тиледи.
Сөйлесиўде Өзбекстан - БАӘ стратегиялық шериклик қатнасықлары
беккемленип, ири қоспа жойбарлар жедел әмелге асырылып атырғаны үлкен
қанаатланыўшылық пенен атап өтилди.
Жедел сиясий сөйлесиўди даўам еттириў, саўда-экономикалық, инвестициялық ҳәм
мәдений-гуманитарлық тараўлардағы көп қырлы бирге ислесиўди және де беккемлеўге
келисип алынды.
Мәмлекет басшылары регионаллық ҳәм басқа да әҳмийетли мәселелер бойынша
да пикир алысты.
