Жарлыққа
сәйкес, адам саудасынан жәбірленген ерлер,
шетел азаматтары және арнайы бағдарламалар негізінде Өзбекстанға әкелінген репатрианттар
тек Адам саудасы құрбандарына көмек
көрсету бойынша республикалық оңалту орталығына
(мамандандырылған орталық) қабылданады.
Мамандандырылған
аймақтық орталықтардың адам саудасынан зардап шеккен адамдарды қабылдау және
оларға қызмет көрсетуге байланысты
қызметі республикалық мамандандырылған орталық тарапынан үйлестіріліп
отырады.
Адам
саудасынан жәбірленген деп болжанған тұлғалар мамандандырылған орталықтың
немесе оның аймақтық бөлімшелерінің
қызметтерін 1 айға дейін, ал адам саудасының құрбаны ретінде
ресми танылған тұлғалар ең көбі 6 айға дейін пайдалана алады.
Мұнда:
тұлғалар
өздеріне адам саудасының құрбаны болуы мүмкін деген мәртебе берілген күннен
бастап 1 ай ішінде, ал адам саудасының құрбаны ретінде
танылған күннен бастап бір жыл
ішінде мамандандырылған орталықтан немесе оның аймақтық бөлімшелерінен
қызмет алу үшін жүгіне алады;
мамандандырылған
орталықтың немесе оның аймақтық бөлімшелерінің қызметін пайдаланған адам
алғашқы идентификацияланғандық жағдайы бойынша қайтадан осы орталықтарға
орналастырылмайды.
Адам
саудасынан зардап шеккен азаматтардың мамандандырылған орталыққа немесе оның аймақтық бөлімшелеріне
барып-қайтуына байланысты көлік шығындары тиісті орталықтың ұсынысы негізінде «Саховат
ва кўмак» қорының қаражаты есебінен төмендегі мөлшерде өтеледі:
республикалық
мамандандырылған орталыққа барып-қайту үшін – базалық есептік мөлшердің
(БЕМ) 1 еселенген көлемінде;
аймақтық мамандандырылған
орталықтарға барып-қайту үшін – БЕМ-нің жартысы мөлшерінде.
