БҰҰ Бас Ассамблеясында өткен дауыс беру қорытындысы
бойынша Қырғызстан Азия-Тынық мұхиты мемлекеттері тобына бөлінген орын үшін
бәсекеде Филиппинді артта қалдырды. Ел төртінші турда 142 дауыс жинап, қажетті
болған екі, үш бөліктік көпшілік дауысты иеленді.
Осылайша, Қырғызстан Орталық Азия мемлекеттері
арасынан БҰҰ Қауіпсіздік Кеңесіне сайланған кезекті елге айналды.
Сайлау нәтижесіне орай, Австрия мен Португалия Батыс
Еуропа және басқа мемлекеттер тобынан, Тринидад пен Тобаго Латын Америкасы мен
Кариб бассейні мемлекеттері тобынан, ал Зимбабве Африка мемлекеттері тобынан
Қауіпсіздік Кеңесінің құрамына сайланды.
БҰҰ Қауіпсіздік Кеңесі 15 мемлекеттен тұрады, олардың
бесеуі — Ұлыбритания, Қытай, Ресей, АҚШ және Франция — вето құқығына ие тұрақты
мүшелер болып табылады. Қалған он мемлекет екі жылдық мерзімге сайланады.
2026 жылдың соңында Грекия, Дания, Пәкістан, Панама
және Сомалидің өкілеттік мерзімі аяқталады. Олардың орнын жаңадан сайланған
мемлекеттер иелейді.
Қауіпсіздік Кеңесі халықаралық бейбітшілік пен
қауіпсіздікті қамтамасыз етуге жауапты негізгі орган болып табылады. Қажет
болған жағдайда ол санкциялар енгізуге немесе халықаралық бейбітшілікті қалпына
келтіру мақсатында күш қолдануға рұқсат беруге де өкілетті.
