Чиқиндиларни бошқариш ва циркуляр иқтисодиётни ривожлантириш агентлиги ҳузуридаги Кузатув камераларидан фойдаланиш ва назорат қилиш бўлими томонидан 2026 йилнинг июль ва август ойларида республика бўйлаб чиқиндиларни белгиланмаган жойларга ташлаш билан боғлиқ 1 117 та қоидабузарлик аниқланган.
Шундан 90 таси транспорт воситалари, 730 таси эса фуқаролар томонидан содир этилган. Ҳуқуқбузарларга нисбатан маъмурий баённомалар расмийлаштирилиб, тегишли чоралар кўрилмоқда.
Маълум қилинишича, кузатув камералари орқали аниқланган ҳуқуқбузарликлар бўйича жаримага тортилганлар улуши 27 фоизни ташкил этган. Қўлланилган жарималарнинг умумий миқдори 554,6 миллион сўмга етган.
Маълумот учун, республика ҳудудларининг деярли барчасида 700 дан ортиқ онлайн кузатув камераси ўрнатилган. Улар нафақат чиқинди ташлаш, балки бошқа турдаги экологик ҳуқуқбузарликларни ҳам аниқлаш ва улар бўйича тегишли чоралар кўриш имконини беради.
