Маълум қилинишича, Бош прокуратура ҳузуридаги Департаментнинг туман бўлими ҳамда Давлат хавфсизлик хизмати ходимлари ҳамкорлигида ўтказилган тадбирда Қурилиш ва уй-жой коммунал хўжалиги бўлими бош архитектори фош этилган.

Терговга кўра, у оилавий корхона раҳбаридан яшаш уйининг бир қисмида ташкил этилаётган автомойка учун лойиҳа ҳужжатларини тайёрлаб бериш ва қурилишга қўйилган тақиқни бекор қилдириш эвазига 1 500 АҚШ доллари талаб қилган.

Мансабдор аввал 500 доллар олиб, қолган 1 000 долларини хизмат хонасида қабул қилаётган вақтида ашёвий далиллар билан ушланган.

Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари олиб борилмоқда.