Maʼlum qilinishicha, Bosh prokuratura huzuridagi Departamentning tuman boʻlimi hamda Davlat xavfsizlik xizmati xodimlari hamkorligida oʻtkazilgan tadbirda Qurilish va uy-joy kommunal xoʻjaligi boʻlimi bosh arxitektori fosh etilgan.

Tergovga koʻra, u oilaviy korxona rahbaridan yashash uyining bir qismida tashkil etilayotgan avtomoyka uchun loyiha hujjatlarini tayyorlab berish va qurilishga qoʻyilgan taqiqni bekor qildirish evaziga 1 500 AQSh dollari talab qilgan.

Mansabdor avval 500 dollar olib, qolgan 1 000 dollarini xizmat xonasida qabul qilayotgan vaqtda ashyoviy dalillar bilan ushlangan.

Mazkur holat yuzasidan Jinoyat kodeksining 210-moddasi (pora olish) bilan jinoyat ishi qoʻzgʻatilib, tergov harakatlari olib borilmoqda.