Toshkent viloyati Ekologiya nazorat inspeksiyasi xodimlari tomonidan joriy yilning 15-sentyabr kuni oʻtkazilgan nazorat tadbirlari davomida noqonuniy ov qurollaridan foydalanish holatlari aniqlandi. Chinoz tumani “Eski Toshkent” mahallasi, Tursunoy Oxunova hududidan oqib oʻtuvchi Chirchiq daryosi atrofida fuqarolar X.J va T.U lar ana shunday oʻqotor qurol yordamida  2 ta oʻrdak hamda 4 ta kaptar ovlagani maʼlum boʻldi. 
Fuqarolar oʻz hatti-harakatlari uchun 5 yilgacha ovchilik qilishdan mahrum qilinib, ularga tegishli boʻlgan ov qurollari belgilangan tartibda Chinoz tumani IIBga saqlash uchun topshirildi. 
Holat yuzasidan toʻplangan hujjatlar qonuniy qaror qabul qilish uchun jinoyat ishlari boʻyicha sudga yuborilgan.