Өзбекстан тәрепинен таярланған бул басламаның жәрдемши авторларына Қазақстан, Қырғызстан, Тәжикстан, Түркия ҳәм Түркменстан қосылды, деп хабар бермекте "Дунё" МА.
Таваккал Қодиров өзбек музыка ҳәм қосықшылық көркем өнериниң белгили ўәкили, Өзбекстан халық артисти.
Таваккал Қодиров туўылған күниниң 100 жыллығы усы дизимге киргизилгени белгили өзбек атқарыўшысының музыка, қосықшылық ҳәм мәденият тараўларын раўажландырыў, сол арқалы ЮНЕСКОның мақсет ҳәм ўазыйпаларын алға қойыўға қосқан шексиз үлеси халықаралық жәмийетшилик тәрепинен жоқары баҳаланып атырғанының айқын мысалы болып есапланады.
Сондай-ақ, бул қарар 2026-2027-жылларда юбилей мүнәсибети менен ҳәр қыйлы халықаралық ҳәм жергиликли илажларды шөлкемлестириў, өзбек музыка ҳәм қосықшылығының уллы ўәкили дөретиўшилик мийрасын, халқымыздың бийтәкирар мәдениятын халықаралық майданда кеңнен үгит-нәсиятлаў имканиятын береди.
