Елимизде әмелге асырылып атырған кең көлемли реформалар даўамында инсан ҳуқықлары менен мәплерин, оның қәдир-қымбатын тәмийинлеў, халықтың абаданлығын арттырыў, жәмийетте тынышлық, дослық ҳәм аўызбиршилик орталығын, социаллық әдиллик принциплерин беккемлеў бойынша үлкен жумыслар әмелге асырылды. Булардың бәри әййемги тарийхқа ҳәм дәстүрлерге, кеңпейиллик, мийрим-шәпәәт сыяқлы ажыралмас тәреплерге ийе болған Шығыста жаңа жыл басланыўы - Наўрыз байрамының адамгершилик мәнисин және де арттырмақта.
Жаңа Өзбекстанда соңғы жылларда әмелге асырылып атырған тарийхый жаңаланыўлар менен үнлес болған Наўрыз байрамын барлық қала ҳәм аўылларымызда, пүткил елимизде улыўмахалықлық сейил сыпатында жоқары дәрежеде өткериў мақсетинде Қарар етемен:
1. 2026-жылы Наўрыз улыўмахалықлық байрамына таярлық көриў ҳәм оны өткериў бойынша шөлкемлестириў комитетиниң қурамы тастыйықлансын.
(кейинги орынларда - Шөлкемлестириў комитети) қосымшаға муўапық тастыйықлансын.
Шөлкемлестириў комитети (А.Арипов) бир ҳәпте мүддетте:
а) Республикалық Руўхыйлық ҳәм ағартыўшылық орайының усынысына муўапық, Мәденият министрлиги, Жаслар ислери агентлиги, Өзбекстан Жазыўшылар аўқамы, Өзбекстан мәҳәллелери аўқамы ҳәм "Нураний" қоры Улыўмахалықлық Наўрыз байрамының руўхый-ағартыўшылық мазмунын күшейтиў концепциясы тастыйықлансын;
(кейинги орынларда - Концепция);
б) Ташкент қаласы, Қарақалпақстан Республикасы ҳәм ўәлаятлардың орайларында, барлық қала ҳәм районлар, аўылларда "Наўрызды улығлаў - инсанды улығлаў!" сүрени астында улыўмахалықлық Наўрыз байрамына бағышланған шөлкемлестириўшилик-әмелий, мәдений-ағартыўшылық ҳәм үгит-нәсиятлаў илажларының бағдарламасын тастыйықласын ҳәм оның орынланыўын тәмийинлесин.
3. Концепцияның тийкарғы бағдарлары ҳәм усынысларына муўапық Наўрыз улыўмахалықлық байрамы илажларын орынларда жоқары дәрежеде шөлкемлестириў, оларда ўатанласларымыздың белсене қатнасын тәмийинлеў мақсетинде төмендегилерге айрықша итибар қаратылсын:
а) бәҳәрги жаңаланыў процесслерин, инсан ҳәм тәбияттың үнлеслигин, туўылған жерге меҳир ҳәм ғамхорлықты сәўлелендиретуғын, ўатанласларымызды тыныш ҳәм татыў турмысымыздың қәдирине жетиўге, шүкиршилик сезиминде жасаўға, суў ҳәм жер ресурсларынан ақылға уғрас пайдаланыўға шақыратуғын байрам илажларын түри ҳәм мазмуны бойынша тәсиршең өткериў;
б) елимизде әмелге асырылып атырған түпкиликли демократиялық реформалардың нәтийжелерин, адамлардың күнделикли турмысында, сана-сезими ҳәм дүньяға көзқарасындағы унамлы өзгерислерди, бәринен бурын, аўызбиршиликти түсиндириў ҳәм халқымыздың аўызбиршилиги, әсиресе, Наўрыз күнлеринде айқын көзге тасланатуғыны;
в) быйылғы Наўрыз байрамы мүнәсибети менен оның инсаныйлық принциплерин және де күшейтиўди есапқа алған ҳалда, биргеликте өткерилиўи;
кекселерге, әсиресе, Екинши жер жүзилик урыс ҳәм мийнет фронты ветеранларына ҳәр тәреплеме ҳүрмет көрсетиў, "Меҳрибанлық", "Сақаўат" ҳәм "Мүриўбет" үйлеринде жасап атырған шахслар, социаллық қорғаў дәптерлерине киргизилген, жәрдемге мүтәж пуқаралардың ҳалынан хабар алыў мақсетинде муқаддес Рамазан ҳайыты менен қутлықлансын.
мәҳәлле белсендилери, жаслар ҳәм ҳаял-қызларды қоллап-қуўатлаў, олар ушын байрам саўғаларын ҳәм ҳәр қыйлы қайырқомлық илажларын шөлкемлестириў;
г) "Жасыл мәкан" улыўма миллий жойбарында нәзерде тутылған илажларды әмелге асырыў, байрам алдынан барлық аймақларда, район ҳәм қалаларда, ҳәр бир көше ҳәм майданда, ҳәр бир мәҳәлледе абаданластырыў ҳәм көклемзарластырыў илажларын, акцияларды өткериў;
"Мен де терек егемен", улвўма халықлық шембиликлер;
д) жәмийетимизде ҳүким сүрип атырған миллетлераралық дослық ҳәм татыўлық орталығын беккемлеў мақсетинде елимизде жасап атырған ҳәр қыйлы миллет ҳәм халық ўәкиллериниң миллий үрп-әдетлери, дәстүрлери ҳәм қәдириятларын кеңнен көрсетиў;
ж) байрам илажлары ўақтында өнерментшилик буйымларының көргизбелерин, миллий спорт түрлери бойынша жарысларды, китап экспозицияларын, аўыл хожалығы өнимлериниң ярмаркаларын шөлкемлестириў;
азық-аўқат өнимлери арзан баҳаларда, көшпели саўда орынлары, ярмаркаларда бәҳәрги тағамлар таярлаў ҳәм ҳәр қыйлы таңлаўлар өткериў;
з) байрам салтанатларында барлық қала ҳәм аўылларда, ғалаба хабар қуралларында Наўрыз байрамының тарийхы, ҳәр бир аймақта оны өткериўге байланыслы үрп-әдет ҳәм дәстүрлерди кеңнен сәўлелендириў;
и) Ташкент қаласындағы "Жаңа Өзбекстан" комплексинде айрықша бағдарлама тийкарында халық сейиллерин шөлкемлестириў.
4. Мәденият министрлиги (О.Назарбеков) Республикалық Руўхый-ағартыўшылық орайы (О.Ҳасанов), Өзбекстан Жазыўшылар аўқамы (С.Саидов) менен биргеликте бир ҳәпте мүддетте Концепцияға муўапық Ташкент қаласында Наўрыз байрамы мүнәсибети менен өткерилетуғын тийкарғы театрластырылған концерт бағдарламасын ислеп шықсын.
5. Қарақалпақстан Республикасы Министрлер Кеңеси, ўәлаятлар ҳәкимликлери ҳәм Ташкент қаласы:
а) бир ҳәпте мүддетте Наўрыз улыўмахалықлық сейиллерин өткериў бойынша илажлардың төмендегилерди нәзерде тутатуғын аймақлық бағдарламаларын ислеп шықсын ҳәм тастыйықласын:
i) улыўма халықлық сейиллер шөлкемлестирилетуғын орынларда тийкарғы майданлар, көшелер ҳәм қыябанларды байрамана безеў;
ii) жергиликли тәжирийбели сценарист ҳәм режиссёрлар, композитор ҳәм бастакорлар, балетмейстерлер, сахналастырыўшы художниклер, талантлы жас атқарыўшылар, фольклор көркем өнери ўәкиллери менен биргеликте сейил ҳәм тамашаларды жоқары көркем дәрежеде таярлаў илажларын көриў;
iii) байрам илажлары шеңберинде ҳәр бир аймақ ушын дәстүрий болған халық ойынлары, тамашалар, көргизбелер өткериў, бәҳәрги тағамларды сатыў ушын ашық павилонлар шөлкемлестириў;
б) байрам бағдарламалары ҳәм ғалабалық тамашаларды таярлаў, көше, майдан ҳәм қыябанларды безеўге маман қәнигелердиң дөретиўшилик топарларын кеңнен тартыў;
в) барлық илажлар жәмийетлик қәўипсизлик талапларына қатаң әмел еткен ҳалда өткерилиўин тәмийинлесин.
6. Байрам илажларын өткериў менен байланыслы қәрежетлер төмендегилер тәрепинен қапланатуғыны белгиленсин:
а) Ташкент қаласында - республика бюджети қаржылары ҳәм Ташкент қаласының жергиликли бюджетинен тең үлеслери есабынан;
б) Қарақалпақстан Республикасы ҳәм ўәлаятларда - тийисли жергиликли бюджет қаржылары ҳәм қайырқомлық қаржылары есабынан.
7. Өзбекстан Миллий мәлимлеме агентлиги, Өзбекстан Миллий телерадиокомпаниясы, "Дунё" мәлимлеме агентлиги ҳәм басқа да ғалаба хабар қуралларына Наўрыз улыўмахалықлық байрамына таярлық көриў ҳәм оны өткериў бағдарындағы жумысларды кеңнен сәўлелендириў усыныс етилсин.
8. Усы қарардың орынланыўын қадағалаў
Өзбекстан Республикасының Бас министри А.Н.Ариповқа жүкленсин;
Өзбекстан Республикасы Президенти
Ш. МИРЗИЁЕВ
Ташкент қаласы,
2026-жыл 6-март.
