Президент пәрманына бола, 2027-жыл 1-январьдан баслап Ғазна хызмети комитети ҳәм Пенсия қорының район (қала) лық бөлимлери сапластырылады, олардың орнында 1-3 хызметкерден ибарат ықшам хызмет көрсетиў офислери шөлкемлестириледи.
Сондай-ақ, пәрманда атап өтилиўинше, соңғы еки жылда бул еки шөлкемниң штат бирликлери 1940 қа (45 процентке) қысқартылған. Келеси жылы болса хызметкерлер санын және төрт есеге шекем азайтыў режелестирилген.
Пәрманға тийкарланып, 2026-жыл 1-июльден мәмлекетте "Санлы ғазнашылық" системасы енгизиледи. Оннан:
мағлыўматлар жасалма интеллект жәрдеминде анализленеди,
қысқа ҳәм узақ мүддетли прогнозлар ислеп шығылады,
инсан факторының тәсири азайтады.
Сондай-ақ, сырт ел валютасындағы операциялар SWIFT системасына жалғанған ҳалда әмелге асырылады. Мәмлекетлик сатып алыўлар ҳәм финанслық операциялардағы қәўиплер “E-risk” бағдарламасы жәрдеминде анықланып, автоматикалық ескертиў ҳәм хабардар етиў механизмлери ислейди.
Пенсия системасында болса 2026-жыл 1-декабрьден пуқаралардың жумыс стажы ҳәм мийнет ҳақысы ҳаққындағы электрон мағлыўматлар тийкарында пенсия муғдарын алдыннан көриў имканиятын беретуғын "Мениң пенсиям" онлайн хызмети иске қосылады. Барлық пенсия хызметлери проактив, электрон ҳәм интерактив формаға өткериледи:
пуқаралардың жумыс стажы ҳәм мийнет ҳақы ҳаққындағы электрон мағлыўматларға тийкарланған пенсия муғдарын дәслепки есаплаў имканиятын беретуғын "Мениң пенсиям" онлайн хызмети енгизиледи;
барлық пенсия хызметлери проактив, электрон ҳәм интерактив форматларға өткериледи.
Сондай-ақ, 2025-жыл 1-октябрьге шекем пенсия төлемлеринен услап қалыўлар әмелге асырылыўынан алдын пуқараларды алдыннан хабардар етиў системасы енгизиледи.
