Дәслеп 1-апрельдеги жарыстың нәтийжелерин мәлим етемиз. -50 кг салмақтағы Асылбек Жалилов япониялы Даичи Иваиға 1:4 есабында жеңилиске ушырады. Бес қаптал төреши арасынан тек ғана Қубла Корея ўәкили жеңисти бизиң спортшымызға берди, қалған төртеўи япон спортшысын күшли деп есаплады.
Бирақ Абдураҳмон Маҳмуджонов (-60 кг) төрешилердиң бир аўыздан шығарған қарары менен қытайлы Хинлин Чен үстинен жеңиске еристи.
Бүгинги беллесиўлер бағдарламасында боксшыларымыз қатнасқан үш беллесиў болып өтти.
-65 кг: Абдуллоҳ Мадаминов -Кэлан Кларк (Сингапур);
-80 кг: Фазлиддин Эркинбаев - Сагин Сатибалди уулу (Қырғызстан);
+90 кг салмақта: Арман Маханов -Бекнур Хали (Монголия).
Бул беллесиўлердиң нәтийжелери мәлим болды. Соның ишинде, Абдуллоҳ Мадаминов сингапурлы шахсты үш мәрте нокаутқа ушыратты. Нәтийжеде рингтеги ҳаял рефери техникалық нокаут себепли беллесиўди тоқтатқан.
Мине Фазлиддин Эркинбаев төрешилердиң бир даўыслы қарары менен қырғызстанлы қарсыласын жеңип шықты ҳәм шерек финалға шықты.
Супер аўыр салмақтағы Арман Маханов үшинши раундта техникалық нокаут пенен тамашагөйлердиң күшли қоллап-қуўатлаўына қарамастан, монголды мүддетинен алдын жеңип шықты.
Ертең Өзбекстаннан үш спортшы рингке шығады.
-51 кг: Гүлсевар Ғаниева - Ю Ву (ҚХР);
-60 кг: Муштарийбону Иброҳимжонова -Намуун Монхор (Монголия);
-55 кг: Шаҳзод Музаффаров -Маҳмуд Сабирхан (Қазақстан).
Қызларымыз ҳәм Шаҳзодға әўмет! Ол еки мәрте жәҳән чемпионы, қазақстанлы Маҳмуд Сабырхан менен беллесиў өткереди. Музаффаров 2024-жылғы Азия чемпионатының финалында оған қарсы гүрес алып барды ҳәм 1:4 есабында жеңилди. Өш алыў ўақты келди!
