"Япония халықаралық бирге ислесиў агентлиги (JICA) қатнасыўындағы "Республика қәнигелестирилген неврология ҳәм инсульт илимий-әмелий медицина орайын шөлкемлестириў" жойбарын әмелге асырыў илажлары ҳаққында"ғы Президент қарары (ПҚ-254-санлы, 19.08.2025-ж.) қабыл етилди.
Бул қарарды қабыл етиўден гөзленген тийкарғы мақсетлер етип төмендегилер белгиленди, атап айтқанда:
халыққа қәнигелестирилген неврологиялық жәрдем көрсетиў нәтийжелилигин арттырыў;
тараўдағы медицина ҳәм билимлендириў мәкемелериниң материаллық-техникалық базасын беккемлеў, оларды заманагөй медициналық ҳәм диагностика әсбап-үскенелери менен тәмийинлеў.
Жойбарды әмелге асырыў мүддети 2025-2032-жыллар етип белгиленген.
Қарарға бола, Республикалық қәнигелестирилген неврология ҳәм инсульт илимий-әмелий медицина орайы Неврология ҳәм нейрореабилитация миллий медицина орайы деп қайта аталды.
Денсаўлықты сақлаў министрлиги JICA жәрдеминде япониялы қәнигелер топарын тартыў ушын Японияның “Yakuzemi Information Education Center” консалтинг компаниясы менен сырт ел валютасында 1 жыл мүддетке шәртнама дүзиўи белгиленди.
