Бул ҳаққында ол Өзбекстанның Беларустағы елшиси Раҳматулла Назаров пенен ушырасыўда Президент Шавкат Мирзиёевтиң Беларусқа режелестирилген сапарына таярлық көриў мәселесин додалаў ўақтында мәлим етти, деп жазбақта БЕЛТА агентлиги.
Лукашенконың атап өтиўинше, мәмлекетлер бир-бирин толықтырады, бирге ислесиў аўыл хожалығы, машина қурылысы, атом энергетикасы ҳәм технологияларды қамтып алады.
"Биз терең, салмақлы ҳәм узақ ўақыт ислеўге, технологиялар менен бөлисиўге, қәнигелерди оқытыўға таярмыз. Бул қайырқомлық емес - бул еки мәмлекет ушын да пайдалы", - деп атап өтти ол.
2025-жылы товар алмасыў дерлик 855 миллион долларды (2024-жылға салыстырғанда 34,8 процент), Беларусь ушын унамлы сальдо 517 миллион доллардан асламды қурады. Хызметлер саўдасының көлеми 56,1 процентке өсип, 207,9 миллион долларды қурады. Өзбекстанда Беларусь қатнасыўындағы 229 компания дизимнен өткен.
Александр Лукашенко, сондай-ақ, Өзбекстанның жедел раўажланып атырғаны, халықаралық тәжирийбе тартылып атырғаны, Беларусь буннан былай да кадрлар таярлаў ҳәм биргеликтеги жойбарларда қатнасыўға таяр екенин атап өтти.
