Қала ҳәкимлигинен мәлим етилиўинше, соңғы күнлерде социаллық тармақларда товарларды белгиленген баҳадан басқаша баҳаларда сатыў жағдайлары көзге тасланып, бул пуқаралардың наразылығына себеп болмақта. Сонлықтан баҳалардың ашық-айдынлығын ҳәм қадағалаўын тәмийинлеў, олардың жасалма көтерилиўине жол қоймаў бойынша қосымша илажлар көрилмекте.
Атап айтқанда, ярмаркалардың саўда орынларына видеобақлаў камераларын орнатыў басланды. Ҳәзирги күнге шекем бундай камералар Мирабад дийқан базары ҳәм "Ески жуўа" (Чорсу) базарына орнатылған.
Бул бағдардағы жумыслар даўам етпекте ҳәм жақын ўақыт ишинде пайтахтымыздағы барлық ири базарларда видеобақлаў камералары орнатылып, арзан баҳадағы азық-аўқат өнимлери ярмаркалары шөлкемлестирилиўи даўам етеди.
