Буның ушын тармақларда жүзеге келиўи мүмкин болған насазлықларды сапластырыў мақсетинде "Аймақлық электр тармақлары" АЖда 1395 арнаўлы авария бригадалары (6466 адам ҳәм 1334 техника) күни-түни жумыс алып барыўы белгиленди.
Зәрүр болғанда, тутыныўшыларды электр энергиясы менен тәмийинлеў ушын 100 ден аслам улыўма қуўатлылығы 90 000 кВА болған көшпели резерв қуўатлық дереклери (дизель электр станциялары) таяр жағдайға келтирилген.
"Соның менен бир қатарда, 30-декабрьден 3-январьға шекем "Аймақлық электр тармақлары" акционерлик жәмийети тәрепинен барлық энергетика объектлеринде "технологиялық тынышлық," яғный электр қурылмаларында режели тәмийнат жумысларын әмелге асырмаў режими енгизилмекте.
Егер сиз байрам күнлери электр энергиясы тәмийнаты бойынша қандай да бир машқалаға дус келсеңиз, электр энергиясы тәмийнаты бойынша 1154 қысқа номерине, сондай-ақ, Телеграмдағы @het_admin администраторына мүрәжат етиўиңиз мүмкин екенлигин еслетип өтемиз". делинеди хабарда.
