Оған бола, 2025-2030-жылларда Өзбекстанда балалар рак кеселлигине қарсы гүресиўдиң тийкарғы мақсетлери етип төмендегилер белгиленди.
Соннан:
балаларда рак кеселлигин ерте басқышларда анықлаў жағдайларының үлесин 65 процентке шекем арттырыў;
онкологиялық ҳәм онкогематологиялық кеселликлерге шатылған балалардың 1 жыллық өмир сүриўин 34 проценттен 90 процентке шекем, 5 жыллық өмир сүриўин болса кеминде 60 процентке шекем арттырыў;
рак кеселлигине шалынған балаларды 100 процент қәнигелестирилген медициналық жәрдем менен қамтып алыў.
2025-2030-жылларда балалар рак кеселлигине қарсы гүресиў бойынша Өзбекстан Республикасы миллий стратегиясы (Стратегия) ислеп шығылған.
Пәрман менен 2025-2026-жылларда балалар рак кеселлигине қарсы гүресиў бойынша Өзбекстан Республикасы миллий стратегиясын әмелге асырыў бойынша комплексли илажлар бағдарламасы тастыйықланды.
Стратегияны енгизиў жойбары 2025-2026-жылларда Самарқанд қаласы ҳәм Иштихан районындағы медицина мәкемелери базасында әмелге асырылады ҳәм келешекте зәрүр шараятлар жаратылыўына қарап мәмлекеттиң басқа аймақларына параллель түрде кеңейтиледи.
