Ташкент қаласы халықаралық аэропортында жоқары мәртебели мийманды Өзбекстан Республикасы Бас министри Абдулла Арипов ҳәм басқа да рәсмийлер күтип алды.
Сапардың тийкарғы илажлары 10-июнь күни болып өтеди.
Сапар бағдарламасына муўапық, еки мәмлекет жетекшилериниң сөйлесиўлери, рәсмий ҳәм исбилерменлик илажларының өткерилиўи, бир қатар еки тәреплеме келисимлерге қол қойылыўы режелестирилген.
Өзбекстан ҳәм Болгария Президентлери өз-ара пайдалы қатнасықларды буннан былай да раўажландырыў, соның ишинде, товар алмасыў көлемин арттырыў, агросанаат комплекси, фармацевтика тармағы, кәншилик, санластырыў тараўларында кооперацияны жолға қойыў, туризм ҳәм мәдений-гуманитарлық алмасыўларды кеңейтиў мәселелерин көрип шығады.
Болгария Президенти IV Ташкент халықаралық инвестициялық форумында да қатнасады.
