Дарен Танг Өзбекстанда интеллектуаллық мүлк объектлериниң исенимли ҳуқықый қорғалыўын тәмийинлеўге қаратылып атырған айрықша итибар ушын Мәмлекетимиз басшысы Шавкат Мирзиёевқа миннетдаршылық билдирди.

Өз гезегинде, Пүткил жер жүзилик интеллектуаллық мүлк шөлкеми тәрепинен елимизде интеллектуаллық мүлк тараўын реформалаў ҳәм жетилистириў, ҳуқықый қорғаўды күшейтиў бағдарында әмелге асырылып атырған реформалар қоллап-қуўатланып киятырғаны атап өтилди.

Ушырасыў даўамында 2026-2030-жылларда Өзбекстанда интеллектуаллық мүлк тараўын раўажландырыў стратегиясы жойбары бойынша жумысларды биргеликте әмелге асырыў, мәмлекетимизде интеллектуаллық мүлк тараўында жумыс алып барып атырған қәнигелердиң маманлығын арттырыў, Ташкент мәмлекетлик юридикалық университетиниң интеллектуаллық мүлк бағдары магистратурасы тийкарында Дүнья жүзилик интеллектуаллық мүлк шөлкеминиң биргеликтеги магистратура бағдарламасын ислеп шығыў ҳәм әмелге асырыў мәселелери додаланды.

Сондай-ақ, Пүткил жер жүзилик интеллектуаллық мүлк шөлкеминиң жасыл экономика, климат өзгериўи ҳәм азық-аўқат қәўипсизлиги бағдарларындағы "WIPO Green" бағдарламасына Өзбекстан жуўапкерлерин жедел тартыў, мәмлекетимизде жетистирилетуғын аўыл хожалығы өнимлерине байланыслы интеллектуаллық мүлкти қорғаў биргеликтеги бағдарламасын әмелге асырыў мәселелери бойынша да ҳәр тәреплеме пикир алысылды.