Шемби күни республика бойынша жаўын-шашын күтилмейди, тек ғана Қашқадәрья, Сурхандәрья ҳәм Самарқанд ўәлаятларында күнниң екинши ярымында айырым жерлерде жаўын жаўады.

Өзбекстанның көпшилик аймақларында (Қарақалпақстан Республикасы ҳәм Хорезм ўәлаятының арқа-батыс аймақларынан тысқары) екшемби күни жаўын ҳәм қар көринисиндеги жаўын-шашын болады.

Бүгин ҳәм ертең күндизги ўақытлары ҳаўаның температурасы +7...+10 дәрежеге шекем жылыйды. Екшемби күни күндизги температура +3...+6 дәрежеге шекем төменлейди. Температура тийкарынан түнде 0...+5 дәреже жыллы болады.

Самалдың бағыты шығыстан өзгерип, батыстан 7-12 м/с тезликте еседи, 16-февраль - екшемби күни айырым жерлерде 13-18 м/с қа шекем күшейеди.

Республика бойынша айырым жерлерге думан түсиўи мүмкин.

Ташкентте: бүгин бираз жаўын жаўыўы мүмкин. Ертең 15-февраль күни жаўын-шашын болыўы күтилмейди. 16-февральда ўақты-ўақты менен жаўын-шашын (жаўын, қар) болады.

Самалдың бағыты шығыстан өзгерип, батыстан 3-8 м/с тезликте еседи.

Бүгин ҳәм ертең күндиз температура 7-10 дәреже жыллы болады.

16-февраль - екшемби күни +3...+6 дәрежеге шекем төменлейди. Температура тийкарынан түнде 0...+3 дәреже жыллы болады.

Түнде ҳәм азанда думан түсиўи мүмкин.