Бүгин ҳәм дем алыс күнлери республика бойынша ўақты-ўақты жаўын жаўады, айырым жерлерде күшли болады. 30-ноябрьден 1-декабрьге шекем айырым жерлерде жаўын қарға айланыўы мүмкин.

Өзбекстанның таў алды ҳәм таўлы аймақларында 29-ноябрьден 1-декабрьге шекем сел-суў тасқын ҳәдийселери жүз бериўи мүмкин.

Республика аймағы бойынша жаўын суўлары топланыўы итималы бар, бул аймақларды суў басып кетиўине алып келиўи мүмкин.

Ҳаўа температурасы әсте-ақырын төменлейди. Кешеги 20-23° ыссыдан кейин, бүгин күндизги температура 10-15° ыссыға шекем, екшемби күни болса 3-8° ыссыға шекем түседи.

Республиканың айырым орынларында самалдың тезлиги 13-18 м/с ға шекем күшейиўи мүмкин.

Пайтахтымызда: 29-ноябрьден 1-декабрьге шекем ўақты-ўақты жаўын жаўады. 1-декабрьде жаўын қарға айланыўы мүмкин. Бүгин күндиз температура 13-15° жыллы, ертең 30-ноябрьде 7-9° жыллы, екшемби күни 1-декабрьде 5-7° жыллы болады.

Ҳаўаның температурасы, тийкарынан, түнлерде 5-7 градус жыллы болады. Шығыстан ескен самал бағытын өзгертирип, батыстан орташа тезликте еседи.