Таңлаў басқышларының жуўмақларына бола, Өзбекстан ўәкиллери 4 Олимпиада жолламасын қолға киргизди. Қысқы Олимпиада ойынларында мәмлекетимизден төмендеги спортшылар қатнасады:
Медет Назаров - таў-лыжасы спорты (слалом ҳәм гигант слалом);
Даниил Ейбог - шорт-трек (500 метр аралық).
Соның менен бирге, сайланды команда қурамында өзгерислер жүз берди. Бурын Олимпиада жолламасын қолға киргизген фигурали ушыўшылар Дмитрий Чигирёв ҳәм Екатерина Гейниш жуплығы Олимпиада ойынларында қатнаса алмайды. Дмитрий Чигирёв шынығыўлар ўақтында жарақат алып, жарыс басланыўына шекем тикленип үлгермеди.
Бүгиннен баслап Милан-Кортина-2026 XXV қысқы Олимпиада ойынларының беллесиўлери басланады. Рәсмий календарь бойынша, бүгин кёрлинг бойынша дәслепки сайлап алыў ойынлары болып өтеди.
6-февраль күни Милан ҳәм Кортине-д‘Ампессо қалаларында 2026-жылғы қысқы Олимпиада ойынларының салтанатлы ашылыў мәресими болып өтеди. Жарыс 22-февральға шекем даўам етеди.
Мағлыўмат ушын: 2026-жылы өткерилетуғын қысқы Олимпиада ойынлары жер жүзиниң ең күшли спортшыларын Олимпиада сыйлықлары ушын бирлестирип, қысқы спорт дүнясында жылдың ең ири ўақыясы болады.
