Санаўлы күнлерден соң басланыў алдында турған жаңа 2025-жылға арналған байрам илажлары елимиз бойлап орынларда даўам етпекте.
Пайтахтымыздағы «Дослық майданы» нда бой тиклеген шырша әтирапында да жаңа жыл кешесине бағышланған саз-сәўбетли илажлар болып өтпекте. Көркем-өнер ғайраткерлери тәрепинен қосықлар атқарылып, жаңа жылға өзгеше заўық бағышламақта.
Байрам илажына Мухаммед ал-Хорезмий атындағы ТИТУ Нөкис филиалы студент жаслары да белсене қатнасты. Илажда оқыў орнындағы стипендиантлар филиал жәмәәти тәрепинен мүнәсип сыйлықланды.
Қарақалпақстан хабар агентлиги.
Қарақалпақстан дийқаншылық илимий-изертлеў институтында халықаралық International Center for Biosaline Agriculture шөлкеми менен биргеликте әмелге асырылып атырған “Development of Sustainable Agricultural Production Systems in Degraded Areas of Karakalpakstan” халықаралық жойбары шеңберинде алып барылған жумыслардың нәтийжелери бойынша оқыў семинары шөлкемлестирилди.
Әжинияз атындағы Нөкис мәмлекетлик педагогикалық институтында ХХ әсир қарақалпақ әдебиятының көрнекли ўәкили, белгили шайыр, Бердақ атындағы мәмлекетлик сыйлықтың лауреаты Төлепберген Мәтмуратовтың туўылғанына 85 жыл толыўына арналған «Көкте қуяш қалсын, жерде жақсылық» атамасындағы республикалық илимий-теориялық конференция болып өтти.
Мухаммед ал-Хорезмий атындағы Ташкент информациялық технологиялар университети Нөкис филиалында Өзбекстан ҳәм Қарақалпақстан Республикаларына мийнети сиңген илим ғайраткери, Бердақ атындағы мәмлекетлик сыйлықтың лауреаты, Өзбекстан Илимлер Академиясының академиги, тарийх илимлериниң докторы, профессор Сабыр Камаловтың туўылғанының 100 жыллығына арналған еске түсириў кешеси болып өтти.
Соңғы жыллары елимизде сырт еллер менен бирге ислесиўге айрықша итибар қаратылып, бул бағдарда көплеген жумыслар әмелге асырылмақта. Әсиресе, жоқары оқыў орынлары тәрепинен алып барылып атырған ислер халқымыздың ертеңги күнге деген исенимин беккемлейди.
Өзбекстан Республикасы Жоқары билимлендириў, илим ҳәм инновациялар министрлиги жанындағы Инновациялық раўажланыў агентлиги тәрепинен шөлкемлестирилген жас илимпазларды сырт ел илимий орайлары ҳәм университетлеринде қысқа мүддетли илимий стажировкаларға жибериў таңлаўында жеңимпаз болған Бердақ атындағы Қарақалпақ мәмлекетлик университетиниң қарақалпақ филологиясы ҳәм журналистика факультети журналистика кафедрасының оқытыўшысы Яқыпбек Генжемуратов Дүньяның Топ-1000 университетиниң қатарына киретуғын Полшаның Adam Mickiewicz университетиниң журналистика кафедрасында 2 ай даўамында әмелий педагогикалық тәжирийбе алмасыўда болып қайтты.
Бердақ атындағы Қарақалпақ мәмлекетлик университетинде Өзбекстан Республикасында «Бухгалтерлер ҳәм аудиторлар күни» мүнәсибети менен миллий бухгалтерлик ҳәм аудиторлық кәсибиниң заманагөй раўажланыўы, машқалалары ҳәм перспективаларына бағышланған республикалық илимий-әмелий конференция болып өтти.
