Ерназар Сәрсенбаев - гүмис медаль ийеси.
Өзбекстан сайланды командасының ўәкили Ерназар Сарсенбаев 100 килограммға шекемги салмақ категориясында гүмис медалды қолға киргизди. Өзбекстанлы дзюдошы финалға шекем барлық қарсыласларын исенимли жеңди, бирақ шешиўши беллесиўде Бахрейн ўәкилине жол берди ҳәм екинши орынды ийелеп, жарыстың вице-чемпионы болды.
Умида Нигматова - бронза медалы ийеси;
Миллий сайланды команда есабына және бир сыйлықты Умида Нигматова алып келди. Ол 78 килограммнан жоқары салмақ категориясында бронза медалы ушын беллесиўде Украина ўәкилин жеңип шықты ҳәм абырайлы халықаралық турнирде сыйлы орын ийелери қатарына кирди.
Алишер Юсупов - гүмис медаль ийеси.
Сондай-ақ, 100 килограммнан жоқары салмақ категориясында қатнасқан Алишер Юсупов гүмис медаль ийесине айланды. Финал беллесиўинде өзбекстанлы спортшымыз Әзербайжан ўәкили менен ушырасты. Беллесиў қосымша таймларға шекем даўам етип, онда қарсыласымыз жеңиске еристи. Турнир жуўмағында Юсупов гүмис медаль менен сыйлықланды.
Өзбекстанлы дзюдошылардың "Үлкен Дубулға" турнириниң үй басқышындағы қатнасыўы олардың халықаралық майдандағы турақлы нәтийжелерин және бир мәрте тастыйықлады.
