Россия президентиниң қол қойған пәрманына бола, Россияда нызамсыз жасап атырған сырт ел пуқаралары 2025-жыл 30-апрельге шекем мәмлекеттен шығыўы ямаса ҳүжжетлерин рәсмийлестириў керек.

Бул талап Россияда нызамлы түрде қалыўды қәлеген сырт еллилерге қолланылмайды.

Өзбекстан Миграция агентлиги январьдан баслап, Россияда жумыс ислеп атырған, бирақ ҳүжжетлери менен байланыслы машқалалары болған ўатанласларымызға ҳуқықый ҳәм әмелий жәрдем көрсетиўге таяр екенин мәлим етти.

"Ҳүжжетлерди рәсмийлестириў процеси ҳәм зәрүр мағлыўматлар ҳаққында қосымша мәлимлеме бериледи," - делинеди Өзбекстан Миграция агентлиги хабарында.