Электр, газ ҳәм суў есаплағышларын дәўирлик салыстырыўдан өткериў ўәкилликли уйымлардың басламасы тийкарында (проактив түрде) әмелге асырылады.
Министрлер Кабинетиниң 2024-жыл 12-декабрьдеги 847-санлы қарары менен Ҳүкиметтиң 2019-жыл 20-августтағы 698-санлы қарарына тийисли өзгерислер ҳәм қосымшалар киргизилип, электр энергиясы, тәбийий газ, ишимлик суўы ҳәм ыссы суўды есапқа алыў үскенелерин дәўирлик салыстырыўдан өткериў мәмлекетлик хызмети проактив түрде көрсетилиўи белгиленди.
Енди халық ҳәм исбилерменлик субъектлери тәрепинен электр, газ, суў есаплағышларын дәўирлик салыстырыўдан өткериў ушын мүрәжат етиў талабы бийкар етилди ҳәм есаплағышларды дәўирлик салыстырыўдан өткериў мүддети келген есаплағышларды салыстырыўдан өткериў тәмийнатшы кәрханаларға жүкленди.
Мағлыўмат ушын: проактив мәмлекетлик хызмет - физикалық ҳәм юридикалық тәреплердиң мүрәжатысыз, ўәкилликли уйымлардың басламасы менен көрсетилетуғын хызметлер.
Әдиллик министрлиги тәрепинен усы мәмлекетлик хызметлерди көрсетиўши ўәкилликли уйымлардың жуўапкер хызметкерлерине дөгерек сәўбети өткерилип, онда проактив түрде мәмлекетлик хызмет көрсетиў тәртиби ҳәм мүддетлери және усы мәмлекетлик хызметлерди көрсетиў механизмлери бойынша түсиниклер берилди.
