Өзбекстан Республикасы Президентиниң "Үй-жай ҳәм ипотека базарын буннан былай да раўажландырыўға байланыслы қосымша илажлар ҳаққында"ғы пәрманына муўапық, 2025-жыл 1-майдан "Жаңа Өзбекстан" массивлерин қурыў шеңберинде төмендегилерди нәзерде тутатуғын тәртип орнатылады:
жер участкаларын көп квартиралы турақ жайлар қурыў ушын ижараға бериў бойынша аукцион саўдаларында қатнасыў, көп квартиралы турақ жайларды қурыў ҳәм оларды реализациялаўға тек ғана ҚҚС төлеўши юридикалық тәреплерге рухсат етиледи;
жер участкаларын көп квартиралы турақ жайлар қурыў ушын ижараға бериў бойынша аукцион саўдалары офертасында жойбаралды ҳүжжетлерин таярлаўға 15 күнлик, жойбарлаў жумысларын орынлаўға 2 айлық ҳәм қурылыс жумысларын баслаўға 3 айлық мүддет белгиленеди, сондай-ақ, онда қурылысты жуўмақлаў ҳәм объектти пайдаланыўға қабыл етиў мүддетлери көрсетиледи;
аукцион саўдаларында жер участкасын көп квартиралы турақ жай қурыў ушын ижараға алған юридикалық шахслар ижараға алған ўақыттан баслап 12 ай даўамында усы жер участкасы бойынша жер салығын төлеўден азат етиледи;
2025-жыл 1-марттан "Жаңа Өзбекстан" массивлеринде көп квартиралы турақ жайлар қурылысын әмелге асырыўшы қурылыс шөлкемлерине айланыс қаржыларын толтырыў ушын 12 айлық жеңиллетилген дәўир менен 24 ай мүддетке Орайлық банктиң тийкарғы ставкасынан көби менен 2 процентлик пунктке жоқары ставкада кредитлер ажыратылады.
