Өзбекстан елшиханасында Францияның "Аerophile groupe" компаниясының президенти Жером Гиакомони менен сөйлесиўлер өткерилди.
Сөйлесиў даўамында Өзбекстанда туристлер ушын хызмет көрсететуғын ҳаўа шары ҳәм аэробар жойбарын әмелге асырыў имканиятлары додаланды.
Компания президенти Өзбекстанда ҳаўа шары ҳәм аэробар жойбарын нәтийжели әмелге асырыў ушын барлық шараятлар бар екенин атап өтти.
"Компания тәрепинен Франция, АҚШ, Германия, Испания, Польша, Уллы Британия, Венгрия, Түркия, БАӘ, Саудия Арабстаны, Қубла Корея, Сингапур, Япония, Қытай, Таиланд, Камбоджа, Въетнам, Иордания, Ирак, Тунис, Грузия, Мексика, Бразилия ҳәм басқа да туризм индустриясы раўажланған мәмлекетлерде бул жойбар табыслы әмелге асырылған. Аэробар жойбары Өзбекстан ушын қызықлы ҳәм табыслы болатуғынына исенемен," - деди Жером Гиакомо.
