Атап айтқанда, өзгерислер ҳәм қосымшалар төмендегилерди нәзерде тутады:
Жаслар ислери агентлиги жанындағы Жаслар исбилерменлигин раўажландырыў мәмлекетлик мақсетли қорының қаржылары, сондай-ақ, олардың стартап ҳәм бизнес жойбарлары есабынан мәлимлеме технологиялары ҳәм компьютер бағдарламалары тараўында қәнигелерди мақсетли таярлаўды қаржыландырыў механизмлерин буннан былай да жетилистириў;
Жаслар ислери агентлиги жанындағы Жаслар исбилерменлигин раўажландырыў мәмлекетлик мақсетли қоры ҳәм «Yoshlar ventures» венчур қоры тәрепинен жаслар исбилерменлигин қоллап-қуўатлаў ҳәм алға қойыўдың жаңа қуралларын енгизиў.
Өзгерислер ҳәм қосымшалар Өзбекстан Республикасы Президентиниң 31.08.2021-жыл № 556-санлы "Мәлимлеме технологиялары ҳәм компьютер программаластырыў тараўындағы жас қәнигелерди хошаметлеўге байланыслы қосымша илажлар ҳаққында"ғы ҳәм Өзбекстан Республикасы Президентиниң 10.07.2025-жыл № 426-санлы "Жаслар исбилерменлигин қоллап-қуўатлаў ҳәм олардың бәнтлигин тәмийинлеўге қаратылған бизнес жойбарларын қаржыландырыў тәртибин белгилеў илажлары ҳаққында"ғы қарарына киргизилди.
Ҳүжжет пенен Жаслар ислери агентлиги жанындағы Жаслар исбилерменлигин раўажландырыў мәмлекетлик мақсетли қоры есабынан бизнес жойбарларды қаржыландырыў тәртиби ҳаққындағы реже тастыйықланды. Ол тәртиплерди белгилейди:
кредит муғдарына қарап коммерциялық банклерде Қордың қаржылары есабынан кредитлер бериў;
ҳәр бир түр бойынша Қордың қаржылары есабынан қарызлар бериў;
жойбарлар ушын қәрежетлердиң бир бөлегин қаплаў;
"Комбинатор" бағдарламаларын шөлкемлестириў ҳәм әмелге асырыў ҳәм басқалар.
Ҳүжжет Нызамшылық мағлыўматлары миллий базасында жәрияланған ҳәм 30.10.2026-жылдан күшке кирди, деп жазады «Norma».
