Бул ири гастрономиялық илаж шеңберинде шөлкемлестирилген стендте Өзбекстанның туризм потенциалы, миллий тағамлары ҳәм гастрономиялық мийрасы көрсетилмекте.
Өзбекстан делегациясы ағзалары түрли гастрономиялық ассоциациялардың ўәкиллери менен ушырасыўлар өткермекте. Атап айтқанда, Дүнья жүзилик аспазлар жәмийети (Worldchefs Assosiation) ўәкиллери менен сөйлесиўлер алып барылып, келешекте Өзбекстанның гастрономиялық фестиваль ҳәм көргизбелердеги қатнасын кеңейтиў және гастрономиялық туризм тараўында халықаралық бирге ислесиўди беккемлеў ҳәм Өзбекстанның миллий брендин үгит-нәсиятлаў бойынша мәселелер додаланды. Сондай-ақ, фестиваль мийманлары Өзбекстанның бай мәденияты ҳәм миймандослығын жоқары баҳалап, мәмлекетимизге саяхат етиў тилегин билдирди ҳәм Өзбекстанды гастрономиялық саяхатлар ушын перспективалы мәнзил сыпатында тән алды.
Фестивалда Өзбекстан аспазлары тәрепинен таярланған палаў фестиваль мийманларына усынылды. Бул тағамлар тек ғана дәмлери менен емес, ал олардың таярланыў процеси арқалы да үлкен қызығыўшылық оятқан. Әсиресе, палаў писириў өнери мийманларда үлкен тәсир қалдырып, көплеген халықаралық гастрономия экспертлери тәрепинен унамлы баҳаланды, деп хабар береди Туризм комитети баспасөз хызмети.
«Worldchefs Village» халықаралық аспазлар фестивалы 27-январьға шекем даўам етеди.
