Социаллық қорғаў агентлигиниң мәлим етиўинше, социаллық карта 2024-жылдың декабрь айынан баслап жаңадан тайынланған 9 түрдеги социаллық төлемлерди алыўшы шахсларға бериледи.
Бул шахсларға социаллық карталар бийпул бериледи ҳәм дәслеп төлем қуралы (банк картасы) функциясын атқарады.
2024-жыл 1-декабрьден баслап төмендеги төлемлер социаллық карта арқалы төлеп берилмекте.
Кем тәмийинленген шаңарақларға балалар напақасы
Кем тәмийинленген шаңарақларға материаллық жәрдем
Жасқа қарай напақа
Майыплық напақасы
Жалғыз кекселер ҳәм майыплығы болған шахслар ушын айлық материаллық жәрдем
Майыплығы болған 18 жасқа шекемги балаларға майыплық напақалалары
Майыплығы болған балаларды тәрбиялап атырған аналар ушын напақа
Протез-ортопедия буйымлары ҳәм реабилитациялаўдың техникалық қуралларын сатып алыў ушын ваучер
Бағыўшысын жоғалтқанлық напақасы
2025-жыл 1-апрельден баслап усы аймақлар (Ташкент қаласы ҳәм Ташкент ўәлаятының Янгийўл районы) бойынша және қосымша 2 түрдеги социаллық төлемлер социаллық карта арқалы төлеп бериледи.
Ҳәмиледарлық ҳәм туўыў напақасы
"Сақаўат ҳәм көмек", "Ҳаял-қызлар дәптери" ҳәм "Жаслар дәптери" қорлары есабынан төленетуғын бир мәртелик материаллық жәрдемлер".
Социаллық карта төмендеги категориядағы шахсларға бийпул бериледи
Кәмбағал шаңарақлар реестрине киргизилген шаңарақлар (шахслар)
"Социаллық қорғаўдың бирден-бир реестри" мәлимлеме системасы арқалы кем тәмийинленген деп тән алынған шаңарақлар
Көп балалы шаңарақлардың ағзалары
Майыплығы болған шахслар
Басқалардың күтимине мүтәж шахслар болған жалғыз жасаўшы ҳәм жалғыз кекселер
Басқалардың күтимине мүтәж шахслардың күтими менен бәнт болған шахслар
Жетим балалар ҳәм ата-ана қарамағынан айырылған балалар
Қәўендерлер (қәўендерлер), мурындық ата-аналар
Қәбилети жетерли емес шахслар
Қәбилети шекленген шахслар
Қарым-қатнасқа уқыпсыз ҳәм қарым-қатнасы шекленген шахслардың нызамлы ўәкиллери
Пенсионерлер
Мәмлекетлик бюджет қаржылары есабынан стипендия төлеп атырған студентлер
Мәмлекетлик бюджет қаржылары есабынан стипендия төлеп атырған оқыўшылар (тынлаўшылар)
Қала жолаўшы транспортынан (таксиден тысқары) бийпул пайдаланыў ҳуқықына ийе болған шахсларға.
Социаллық карта функциялары басқышпа-басқыш кеңейтилип барылады
2025-жылдың 1-апрелинен баслап транспорт картасы ҳәм жеңиллетилген транспорт картасы функцияларын да орынлайды. Яғный, жәмийетлик транспортта жеңиллетилген ямаса бийпул пайдаланыў ҳуқықына ийе болған шахслар, белгиленген жеңиллетилген ямаса бийпул тарифтен пайдаланған ҳалда, жеңиллетилмеген шахслар улыўма белгиленген транспорт тарифлеринде транспорттан пайдаланыўы мүмкин болады.
Бул функцияны енгизиў мақсетинде тийисли мәлимлеме системаларын интеграциялаў бойынша жумыслар әмелге асырылмақта.
Тәжирийбе-сынақ басқышында социаллық картаны ашыў ушын электрон арзалар "Инсан" социаллық хызметлер орайлары арқалы қабыл етилмекте.
Кейин ала пуқаралар Бирден-бир мәмлекетлик интерактив хызметлер порталы, "Социаллық карта" мобил қосымшасы арқалы және социаллық карта бойынша белгиленген Қаржы агентлериниң (АК "Халық банки," АК "Алоқабанк") бөлимлери арқалы мүрәжат етиўи мүмкин болады.
Социаллық карта арза берилген күннен баслап 3 жумыс күни ишинде усынылады. Басқалардың күтимине мүтәж айырым шахсларға "Инсан" социаллық хызметлер орайлары тәрепинен 15 күн ишинде социаллық карталар олардың жасаў орнына жеткерип бериледи.
Социаллық карта 2025-жыл 1-июльден баслап басқышпа-басқыш республиканың барлық аймақларына енгизиледи.
