Ташкент қаласында Қарақалпақ дәстүрий саз әсбабы – Қобыз ҳәм жыраўшылық өнерине бағышланған ҳүжжетли фильмди таныстырыў кешеси болып өтти.
«Әўладлар сазасы: Қобыз ҳәм Жыраў» ҳүжжетли фильми «Дәстүрий музыка әсбабы Қобызды соғыў ҳәм Жыраўшылық атқарыўшылығы дәстүрлерин сақлаў бойынша зәрүр илажлар» жойбары шеңберинде сүўретке түсирилди.
Илажға Қарақалпақстан Республикасы Министрлер Кеңеси Баслығының орынбасары Р.Зарикеев ҳәм Қарақалпақстан Республикасы Мәденият министри Б.Темирбаевлар қатнасты.
Қарақалпақстан хабар агентлиги.
Өзбекстан ҳәм Түркменстанның биргеликте сүўретке алынған "Махтумқулы пырағы" кино картинасы халықаралық сыйлықларды исенимли қолға киргизип келмекте. Фильм Лондон ҳәм Қазанда тән алынғаннан соң Болгария телевидение, кино ҳәм интернет коммуникациялары академиясы (АТКИК) тәрепинен шөлкемлестирилген ХIII халықаралық кинофестивальда Гран-при менен сыйлықланды.
Өзбекстан ҳәм Түркменстан бирге ислесиўинде жаратылған "Мақтымқулы пырағы" фильми Қазан қаласында болып өткен "Алтын минбер" ХХI халықаралық кинофестивалында "Россия - Ислам дүньясы" бағдарламасының дипломы менен сыйлықланды.
Бүгин Европа Аўқамының Өзбекстандағы елшиси Тойво Клаар басшылығындағы делегация ўәкиллери Қарақалпақстан медицина институтында болды. Мәдений илажлардан соң институттың мәжилислер залында делегация ўәкиллери менен ушырасыў шөлкемлестирилди.
