Кения Денсаўлықты сақлаў министрлиги 17-октябрьде хабар бериўинше, вирусты жаңадан жуқтырғанлар арасында Эбола кеселлигинен қайтыс болған биринши наўқастың жақын туўысқаны ҳәм оған емлеўханада медициналық жәрдем көрсеткен үш медицина хызметкери бар.
Бул ҳаққында Кения Денсаўлықты сақлаў министрлигиниң денсаўлықты сақлаў мәселелери бойынша бас директоры Патрик Амоттың баянатында мәлим етилген, деп хабар берди “Kazinform”.
Мәмлекетте кеселликтиң халық арасында тарқалыўының алдын алыў илажлары күшейтилмекте.
Еслетип өтемиз, Кенияда Эбола кеселлигинен қайтыс болған биринши наўқас Конго Демократиялық Республикасында жасаған усы мәмлекет пуқарасы болған. Ҳәзирги ўақытта Конго Демократиялық Республикасының шығыс бөлиминде кеселликтиң бурын бақланбаған дәрежеде ҳәўиж алыўы даўам етпекте.
