Аўғанстан пайтахты Қабул қаласында Өзбекстан қурылыс материаллары ушын саўда үйи ашылады.
Бул ҳаққында Саўда-санаат палатасы хабар берди.
Атап өтилиўинше, бул саўда үйи 570 кв.м майданда жайласқан шоурум ҳәм 500 кв.м майданда өнимлерди сақлаў ушын қоймаханадан ибарат.
Исбилерменлер өз өнимлерин қолайлы шәртлер тийкарында жайластырыў имканиятына ийе болып, жергиликли компаниялар менен тиккелей сөйлесиўлер алып барыўы мүмкин.
Еслетип өтемиз, усы жылдың март айы басында Аўғанстанның Мозори-Шариф қаласында Өзбекстан саўда үйи ашылған еди.
Бул саўда үйи 220 кв.м майданда жайласқан болып, өнимлерин Аўғанстан базарына шығарыў, шериклер табыў ҳәм экспортты кеңейтиў ушын қолайлы платформа болып хызмет етпекте.
Онда фармацевтика, электротехника ҳәм қурылыс материаллары ушын турақлы жумыс алып баратуғын шоурум ҳәм қоймахана жумыс алып барады.
