Оған бола, көп квартиралы турақ жайларды басқарыў уйымларының электрон реестрин қәлиплестириў ҳәм жүргизиў және көп квартиралы турақ жайларды басқарыў уйымларын бириктириў бойынша мәмлекетлик хызметлерди көрсетиў тәртиби белгиленди.

Онда талапкер ямаса басқарыў уйымы сораўнама бериў ушын Мәмлекетлик хызметлер орайлары ямаса БИМХП (my.gov.uz) арқалы мүрәжат етеди.

Сораўнама БИМХП арқалы дем алыс ҳәм байрам күнлерине қарамастан, ҳәр күни 24 саат даўамында жиберилиўи мүмкин.

Мәмлекетлик хызмет көрсетилгенлиги ушын БЕМның 50 проценти (187 мың 500 сум) муғдарында Мәмлекетлик хызмет көрсетилгенлиги ушын жыйым өндириледи.

Сораўнама ҳәм оған қосымша етилген ҳүжжетлерде надурыс мағлыўматлардың көрсетилиўи, сондай-ақ, белгиленген жыйымды төлемеў мәмлекетлик хызметлерди көрсетиўден бас тартыў ушын тийкар болып есапланады.

Электрон реестрге кириў ушын төмендеги ҳүжжетлер қосымша етиледи:

талабанның көп квартиралы жайды басқарыў ушын бар жумысшы-хызметкерлери ҳәм материаллық-техникалық базасы ҳаққындағы мағлыўматлар паспортының тастыйықланған нусқасы;

тастыйықланған штатлар кестеси;

тийисли маманлық сертификаты.