Мектеплерде қысқы дем алыс 29-декабрьден, III шерек сабақлары 13-январьдан басланады. Бул ҳаққында Мектепке шекемги ҳәм мектеп билимлендириўи министрлиги хабар берди.

Ата-аналар, оқыўшылар ҳәм педагогларға қолайлық жаратыў және оқыў процесслериниң үзликсизлигин тәмийинлеў мақсетинде қысқы дем алыс күнлери 2024-жыл 29-декабрьден басланып, 2025-жыл 11-январьға шекем даўам етеди.

Онда, мектеплерде 2025-жыл 11-январь (шемби) күни белгиленген сабақлар 2024-жыл 28-декабрь (шемби) күнине өткериледи ҳәм оқыў жылының 3-шерегин 2025-жыл 13-январь (дүйшемби) дан басланады.