Ушырасыўда Өзбекстанда зыярат туризмин раўажландырыўға айрықша итибар қаратқан ҳалда өз-ара туристлер ағымын көбейтиў мәселелери додаланды.

Сөйлесиўлер шеңберинде Малайзия халқы ушын "Умра плюс" пакетлерин шөлкемлестириў ҳәм әмелге асырыў, сондай-ақ, трансшегаралық жөнелислерди енгизиў ҳәм табыслы тәжирийбелер бойынша пикир алмасылды.

Дөгерек сәўбети жуўмағында Малайзия туризм секторы ҳәм ғалаба хабар қураллары ўәкиллери ушын Өзбекстанға инфо-турлар шөлкемлестириў, сондай-ақ, Малайзия тәрепиниң қатнасыўында жаңа туризм бағдарламалары ҳәм "Умра плюс" маршрутларын ислеп шығыў бойынша келисимлерге ерисилди, деп хабар береди Туризм комитетиниң баспасөз хызмети.