Мәмлекетимизде әмелге асырылып атырған реформаларда айрықша белсендилик
көрсетип атырған, өзиниң билими, таланты, ерк-ықрары, интакерлиги, жемисли
мийнети менен Ўатанымыздың раўажланыўына, Жаңа Өзбекстанның халықаралық
көлемдеги абырайы ҳәм статусын және де арттырыўға үлкен үлес қосып атырған,
жоқары мәнаўиятлы, еркин пикирлейтуғын, беккем турмыслық позицияға, кең дүньяқарасқа
ҳәм үлкен потенциалға ийе, халқымыздың мәплери ҳәм келешеги ушын
жуўапкершиликти өз мойнына алатуғын пидайы ҳәм мәрт жасларымызды мүнәсип
хошаметлеў мақсетинде қарар етемен:
1. Өзбекстан
Республикасы Президенти жанындағы Мәмлекетлик сыйлықлар ҳәм геральдика бойынша
комиссияның Қарақалпақстан Республикасы, ўәлаятлар ҳәм Ташкент қаласынан келген
талантлы жигитлерди илим, билимлендириў, медицина, мәденият, көркем өнер,
спорт, өндирис, әскерий хызмет тараўында ҳәм ҳуқықты қорғаў уйымлары
жумысындағы айрықша жетискенликлери ушын "Мард ўғлон" мәмлекетлик
сыйлығы менен сыйлықлаў ҳаққындағы усыныслары қосымшадағы дизимге муўапық
мақуллансын.
2. "Мард
ўғлон" мәмлекетлик сыйлығы менен сыйлықланғанларға диплом ҳәм көкирек
белгилери салтанатлы жағдайда тапсырылсын.
3. Экономика ҳәм
қаржы министрлиги "Мард ўғлон" мәмлекетлик сыйлығының ҳәр бир
лауреатына базалық есаплаў муғдарының 50 есеси муғдарында ақшалай сыйлық
берилиўин тәмийинлесин.
4. Өзбекстан
Миллий мәлимлеме агентлиги, Өзбекстан Миллий телерадиокомпаниясы ҳәм басқа да
ғалаба хабар қуралларына "Мард ўғлон" мәмлекетлик сыйлығы
лауреатларының ибратлы жумысы, бийбаҳа таланты ҳәм жетискенликлерин кеңнен
сәўлелендириў усыныс етилсин.
5. Усы қарардың
орынланыўын қадағалаў Өзбекстан Республикасының Бас министри А.Н.Ариповқа ҳәм
Өзбекстан Республикасы Президентиниң кеңесгөйи Ғ.Ғ.Мирзаевқа жүкленсин.
Өзбекстан Республикасы
Президенти
Ш.Мирзиёев
"Мард ўғлон" мәмлекетлик сыйлығы менен
сыйлықланғанлардың
ДИЗИМИ
Аллашов Рахим Толыбай улы - Өзбекстан Республикасы Қорғаныў министрлиги
әскерий бөлиминиң топар қәнигеси (Қарақалпақстан Республикасы)
Алимбаев Нодирбек Турғун улы - Төрткүл районы "Уллыбағ" аўыл
пуқаралар жыйынының жаслар жетекшиси (Қарақалпақстан Республикасы)
Тешабоев Ойбек Абдуманноб улы - Әндижан мәмлекетлик техника институтының
докторанты (Әндижан ўәлаяты)
Хурсанов Дониёрбек Дамиржон улы - Өзбекстан Республикасы Қорғаныў
министрлиги әскерий бөлиминиң топар командири (Әндижан ўәлаяты)
Раҳимов Далер Раҳмонович - 58-Халықаралық химия олимпиадасы илимий комитетиниң
ағзасы (Бухара ўәлаяты)
Мустақимов Шерали Шуҳрат улы - Өзбекстан Республикасы Айрықша жағдайлар
министрлиги Айрықша жағдайлар орайының аға инспекторы (Бухара ўәлаяты)
Зокиров Жаҳонгир Лазизбек улы - бокс бойынша Өзбекстан сайланды командасы
ағзасы (Жиззақ ўәлаяты)
Абдухаликов Жавохир
Алибой улы - Өзбекстан Республикасы Миллий гвардиясы әскерий бөлими отряды қәнигеси
(Жиззақ ўәлаяты)
Худойқулов
Жавоҳир Турсунпулат улы - Өзбекстан Республикасы Мәмлекетлик қәўипсизлик
хызметиниң Шегара әскерлери әскерий хызметкери (Қашқадәрья ўәлаяты)
Юлдошев Дилшодбек
Улуғбек улы - Ташкент қалалық Ишки ислер бас басқармасы топарының үлкен
қәнигеси (Қашқадәрья ўәлаяты)
Истамов Ҳаёт Йўлчиевич
- Наўайы мәмлекетлик кәншилик ҳәм технологиялар университети үлкен оқытыўшысы
(Наўайы ўәлаяты)
Салимжанов Ҳазрат
Акрамжан улы - "Наўайы кән-металлургия комбинаты" акционерлик жәмийети
Наўайы машина қурылысы заводының инженер-технологы (Наўайы ўәлаяты)
Астаналиев Элмурод
Турсунали улы - Ташкент мәмлекетлик транспорт университетиниң еркин излениўшиси
(Наманган ўәлаяты)
Каримов Умиджон
Жавлон улы - Ташкент қаласы бажыхана басқармасы бөлиминиң үлкен оператив ўәкили
(Наманган ўәлаяты)
Элбеков Шоҳзодбек
Элбек улы - Өзбекстан Республикасы Миллий гвардиясы әскерий бөлиминиң отряд командири
(Самарқанд ўәлаяты)
Худойбердиев
Дилшоджон Райимберди улы - Самарқанд ўәлаяты суў спорт түрлерине
қәнигелестирилген спорт мектебиниң академиялық ескек есиў спортшысы (Самарқанд
ўәлаяты)
Холматов Отабек
Шухрат улы - Сырдәрья ўәлаяты Ишки ислер басқармасы отряды үлкен қәнигеси
(Сырдәрья ўәлаяты)
Мусурмонқулов
Бектош Қодирберди улы - Өзбекстан Республикасы Қорғаныў министрлиги әскерий
бөлиминиң топар қәнигеси (Сырдәрья ўәлаяты)
Қосимхожиев
Нажмиддин Абдужаббор улы - Өзбекстан мәмлекетлик дене тәрбия ҳәм спорт
университети 4-курс студенти (Сурхандәрья ўәлаяты)
Норалиев Сарвар
Нурислом улы - Өзбекстан Республикасы Қорғаныў министрлиги әскерий бөлиминиң
батарея командири (Сурхандәрья ўәлаяты)
Халмаханов Айтжан
Даниёр улы – Шыршық олимпия ҳәм паралимпия спорт түрлерине таярлаў орайының 2-курс
студенти (Ташкент ўәлаяты).
Ларин Евгений Алексеевич - Ташкент мәмлекетлик медицина
университетиниң 6-курс студенти (Ташкент ўәлаяты)
Маҳаммаджонов Қудратбек Улуғбек улы - Ферғана
мәмлекетлик техника университетиниң 2-курс магистранты (Ферғана ўәлаяты)
Муҳаммадхонов Шухратжон Музафаржон улы - Өзбекстан
Республикасы Миллий гвардиясы әскерий-музыка академиялық лицейи командири
(Ферғана ўәлаяты)
Ражапов Артур Ихтиёр улы - Өзбекстан художниклери
дөретиўшилик бирлеспеси ағзасы, мүсинши (Хорезм ўәлаяты)
Аминбаев Қодирберган Олимбой улы - Үргенш мәмлекетлик
педагогика институты 3-курс студенти (Хорезм ўәлаяты)
Бегмуратов Хумоюн Хусниддинович - Шахмат бойынша
Өзбекстан ерлер сайланды командасының ағзасы (Ташкент қаласы)
Ғуломов Пахлавон Фаррух улы - Ташкент қаласындағы
Президент мектебиниң 11-класс оқыўшысы (Ташкент қаласы)
