Ушырасыў шеңберинде мәмлекетимизде "103" хызметин және де жетилистириў мақсетинде компанияның грант қаржылары есабынан 100 тез медициналық жәрдем автомобилин жеткерип бериў бойынша 7 миллион АҚШ доллары муғдарында меморандумға қол қойылды.
Келисимлерге бола, 2026-жылдың биринши ярымында заманагөй транспорт қуралларын сатып алыў режелестирилген.
Сондай-ақ, ушырасыўда Ташкент қаласындағы 7-санлы клиникалық емлеўхананы мәмлекетлик-жеке меншик шериклик тийкарында басқарыўға бериў, Республикалық қәнигелестирилген эндокринология илимий-әмелий медицина орайында заманагөй емлеў корпусын қурыў бойынша усыныслар додаланды.
Қабыллаўшы тәреп Өзбекстан медицинасын трансформациялаў процесинде белсене қатнасып атырғанынан қанаатланатуғынын ҳәм буннан былай да өз-ара пайдалы бирге ислесиўге таяр екенин билдирди.
