28-сентябрь - 2-октябрь күнлери Әзербайжанның Ганжа қаласында Ғәрезсиз Мәмлекетлердиң Дослық Аўқамы мәмлекетлериниң III ойынлары шеңберинде жүзиў бойынша жарыслар болып өтеди.
Бул жарысларға Өзбекстан сайланды командасы қурамынан 13 спортшы - 5 қыз ҳәм 8 жигит қатнасады.
Жарыслар алдынан команда оқыў-шынығыў жыйынында жуўмақлаўшы таярлық басқышынан өтпекте. Физикалық форма ҳәм жүзиў техникасын жетилистириўге айрықша итибар қаратылмақта. Бул илажлар болажақ халықаралық жарысларда жоқары нәтийжелерге ерисиўге қаратылған, деп хабар бермекте Өзбекстан жүзиў федерациясы баспасөз хызмети.
Әзербайжанда Ғәрезсиз Мәмлекетлердиң Дослық Аўқамы III ойынлары жуўмақланды. Жарыстың соңғы күнинде өзбекстанлы спортшылар көркем гимнастика бойынша командалық беллесиўлерде - бес шембер ҳәм бес жуп шоқмар менен орынланған шынығыўларда бронза медалын қолға киргизди.
Әзербайжанда болып өтип атырған ҒМДА III ойынларында Өзбекстан сайланды командасы ўәкиллериниң табыслы қатнасыўы даўам етпекте. Және бир жарыс күни жуўмағында спортшыларымыз 7 алтын, 9 гүмис ҳәм 7 бронза медалын қолға киргизди.
Өзбекстан сайланды командасы Әзербайжанда болып өтип атырған ҒМДА III ойынларында жоқары нәтийжелерди көрсетип келмекте. Нәўбеттеги жарыс күни жуўмағында спортшыларымыз 27 сыйлық - 10 алтын, 6 гүмис ҳәм 11 бронза медалларын қолға киргизди.
Әзербайжанда III ҒМДА ойынлары даўам етпекте. Өзбекстан спортшылары және бир табыслы беллесиў күнин өткерди. Оның жуўмақлары бойынша миллий делегация 14 сыйлыққа ийе болды: 1 алтын, 5 гүмис ҳәм 8 бронза медаль.
Әзербайжанда III ҒМДА ойынларының гезектеги жарыс күни жуўмақланды. Өзбекстан сайланды командасы спортшылары бир неше бағдар бойынша табыслы қатнасып, улыўма сыйлықлар қорын гүмис ҳәм бронза медаллары менен толтырды.
Өзбекстан сайланды командасы ағзалары Әзербайжанда болып өтип атырған ҒМДА III ойынларында табыслы қатнаспақта. Таэквондо WТ ҳәм жүзиў бойынша өткерилген жарысларда спортшыларымыз бес - үш гүмис ҳәм еки бронза медалды қолға киргизди.
