Профессионал билимлендириў мәкемелери ҳәм Кәсиплик көнликпелер орайларында (монорайлар) жумыс алып барып атырған шет тили муғаллимлериниң рейтинги дүзиледи.
Бул ҳаққында Миграция агентлиги мәлим етти.
Атап өтилиўинше, рейтинге кирген 50 тренерге 50 миллион сум муғдарында бир мәртелик субсидия төленеди.
Тийкарғы талап олар оқытқан оқыўшылар арасында инглис, корейс, немис ҳәм япон тиллери бойынша кеминде В1 ямаса оған теңлестирилген дәрежедеги халықаралық сертификат алған болыўы керек.
Бирден-бир интерактив мәмлекетлик хызметлер порталында усы жылдың 25-февралына шекем силтеме арқалы дизимнен өтип, өзи ҳәм сертификат алған оқыўшылары ҳаққында агентликке мәлим етиўи керек.
