Бул дәстүрий тағам әзелден балықшылық турмыс тәризи ҳәм өзине тән гастрономиялық дәстүрлери болған Арал теңизи бойы ҳәм Әмиўдәрья дельтасындағы аймақларда қәлиплескен.
"Балық қарма" өзине тән таярланыў усылы менен ажыралып турады. Тағам қурамына қайнатылған балық, сорпа, 1×1 ямаса 2×2 сантиметр өлшемдеги кептирилген қамыр бөлеклери ҳәм де палыз өнимлери киреди. Өзине тән дәм ҳәм ийис сорпаның үстинен алынып, майдалап туўралған пияздың үстине қуйылған майдан пайда етеди.
"Балық қарма"ның географиялық көрсеткиш статусында дизимнен өткерилиўи оның аты ҳәм дәстүрий таярлаў технологиясының ҳуқықый жақтан қорғалыўын тәмийинлейди, сапа стандартларын беккемлейди ҳәм Қарақалпақстанның гастрономиялық брендин алға қойыўға хызмет етеди.
Мағлыўмат ушын: географиялық көрсеткиш - бул өнимниң белгили бир аймаққа тийисли екенлигин, оның тәбийғый-климатлық ҳәм социаллық-мәдений өзгешеликлери себепли айрықша сапа ҳәм абырайға ийе екенлигин тастыйықлайтуғын интеллектуаллық мүлк объекти болып есапланады.
