48 килограммға шекемги салмақ категориясында қатнасқан Муниса Одилова 3 гүмис медалды қолға киргизди.

-65 кг салмақ категориясында Адҳамжон Эргашев 3 қола медалына ийе болды.

Шаржадағы жарыста өзбек шабандозлары үш медалды қолға киргизди.

Бирлескен Араб Әмирликлериниң Шаржа қаласында конкур бойынша халықаралық жарыс болып өтти. Онда Өзбекстан сайланды командасы ўәкиллери 2 алтын ҳәм 1 бронза медалын қолға киргизди.

Абдураҳмон Абдуллаев 140 см ҳәм 145 см аралықтағы тосықлар бойынша жарысларда алтын медалды қолға киргизди.

125 см бийикликтеги тосықлар бойынша өткерилген жарыста Баҳромжон Ғозиев сыйлы орынларды ийеледи.

АФК жаңа турнири басланады

Азия футбол конфедерациясы миллий сайланды командалар ушын жаңа турнир - AFC Nations League (АФК Миллетлер Лигасы) енгизиўди режелестирип атырғанын мәлим етти. Бул баслама Азия миллий командалары арасында футболды және де раўажландырыў, халықаралық ойынлардың тәртипли ҳәм турақлы системасын қәлиплестириўге қаратылған. Жарыс форматы, оны өткериў басқышлары ҳәм анық мүддетлери АФК қәнигелескен комитетлеринде додаланғаннан соң рәсмий түрде жәрияланады.

Заманагөй бес гүрес бойынша Өзбекстан кубоги болып өтти

Әндижанда заманагөй бес гүрес бойынша түрли жастағы спортшылар арасында Өзбекстан кубогы жарыслары болып өтти. Әндижан қаласындағы 2-санлы спорт мектебинде өткерилген жарыста елимиздиң ҳәр қыйлы аймақларынан қатнасыўшылар қатнасты. Жарысты тренерлер штабы бақлап барды ҳәм шығыўлары бойынша жоқары нәтийжелерди көрсеткен спортшыларды жаңа мәўсим ушын сайланды командаға талабан сыпатында атап өтти.